[Testo di "Fiocco azzurro"]

[Strofa 1]
Ê vote, 'o ssaje, vulesse stá cchiù tiempo assieme
Quanno stongo 'a fore o faccio tarde 'a sera
Nun bastano 'e regale p'avè nu rapporto
Intanto staje crescenno e nun me ne so' accorto
Sî bello mentre duorme e t'accarezzo 'a faccia
Scusa se 'e cose 'e ll'ati padre nun 'e faccio
Però te voglio fá sapè na cosa
Ca papà pe'tté è orgoglioso e 'o può chiamà pe tutte cose
Quanno 'o barbiere ce fa' 'a sfumatura uguale
Simmo proprio talе e quale, comme a quanno еro criaturo
Mamma se 'ncazza pecché dice ca so' curteo
Ma nun ne capisce niente, cheste so' cose 'e guagliune
Je voglio sulo 'o meglio pe'tté
Tutt''o male mo tenesse pe'mmé
Pregie e difette, chisto songo je
Sî 'o traguardo cchiù bello d''a vita mia

[Ritornello]
Sto criscenno 'nziem'a te, so' criature pure je
Penzo a te dint'a tutt''e poste addò me porta 'a vita mia
Vulesse essere perfetto, ma nun se pò
Ma t''o giuro ca te penzo pure mentre sonno
Quanno nasciste tu, ma chi s''o scorda cchiù
Dint'a na vita scura appenniste nu fiocco azzurro
Vulesse fermá 'o tiempo, ma nun se pò
Ma t''o giuro ca ce stongo quanno me vuó
[Strofa 2]
'O cunfesso, so' orgoglioso si te sento 'e cantà
'A scola ch''e cumpagne tuoje na canzone 'e papà
Quanno te vieste comme a me, faje 'e mosse comme a me
Me faje sentì n'eroe co nu mantello 'ncuoll'a me
Torno criaturo a costruì nu castello
Cu nu disegno a fa' 'sto munno cchiù bello
Mettenno 'e suonne dint'a na cartella
A vulà c''a fantasia 'ncopp'ê stelle
Si staje criscenno buono, è grazie a mammà
Che pe'tté tene pacienza e nun saccio maje comme fa'
Je ca so' sulamente bravo 'a cantà
Mentre me perdo 'int'ê canzone e nun tengo tiempo 'e pazzià
Je voglio sulo 'o meglio pe'tté, tutto 'o male m''o tenesse pe'mmé
Pregi e difetti, cheste song je
Sì 'o traguardo cchiù bello d''a vita mia

[Ritornello]
Sto criscenno 'nziem'a te, so' criature pure je
Penzo a te dint'a tutt''e poste addò me porta 'a vita mia
Vulesse essere perfetto, ma nun se pò
Ma t''o giuro ca te penzo pure mentre sonno
Quanno nasciste tu, ma chi s''o scorda cchiù
Dint'a na vita scura appenniste nu fiocco azzurro
Vulesse fermá 'o tiempo, ma nun se pò
Ma t''o giuro ca ce stongo quanno me vuó
[Outro]
Papà, buongiorno
Sto dando tanti bacini a mamma
Papà, mi manchi
Dove sei?
Non fare il monello, faccio il bravo io