[Songtext zu „Scheissejal“]

[Strophe 1]
Jläuvs du de Sonn dät interessiere
Ov de Welt sich öm se drieht?
Un dä Rhing, dä jitt ene Driss dodrop
Dat he en Stadt am Rand erömsteiht
Wie ding Aure jlänze, wenn du danz
Wie du rüchs un wie du laachs
Un dat Jrübche, dat du dann häs
Dodran han ich lang ni mieh jedaach

[Pre-Refrain]
Denn mir sin Jeschichte
Dat Märche es vörbei

[Refrain]
Du bes mir scheißejal, scheißejal
Jede Morje, jede Ovend, jede Naach
Bes du mir scheißejal, scheißejal
Nur verjess ich dat manchmol

[Strophe 2]
Dat du jetzt 121 Daach fott bes
Han ich nie jenau nohjezällt
Ich vermissdich övverhaup nit mieh
Un dä Typ, dä jetz ding Hand hält
Es bestimmp ne nette Kääl
Ich wünsch öch all dat Jlöck op he der Welt
Mer jeiht et jot, ich ben okay
[Pre-Refrain]
Mer zwei sin Jeschichte
Ich fingk dä Wääch allein noh Hus

[Refrain]
Du bes mir scheißejal, scheißejal
Jede Morje, jede Ovend, jede Naach
Bes du mir scheißejal, scheißejal
Nur verjess ich dat manchmol

[Bridge]
Jenoch jehürt, jenoch jehass
Jenoch jehoff un jenoch verpass
Kumm, loss mer et jot sin

[Refrain]
Du bes mir scheißejal, scheißejal
Jede Morje, jede Ovend, jede Naach
Bes du mir scheißejal, scheißejal
Nur verjess ich dat manchmol

[Outro]
(Scheißejal) Wie du dräums
(Scheißejal) Wie du laachs
Nur verjess ich dat manchmol
Nur verjess ich dat manchmol
Vielleich vermiss ich dich manchmol