Adeste fideles, laeti triumphantes:
Venite, venite in Bethlehem:
Natum videte Regem angelorum
Venite adoremus, venite adoremus
Venite adoremus Dominum

Deum de Deo, lumen de lumine
Gestant puellae viscera:
Deum verum, genitum, non factum;
Venite adorеmus, venite adoremus
Vеnite adoremus Dominum

En grege relicto, humiles ad cunas
Vocati pastores approperant:
Et nos ovanti gradu festinemus
Venite adoremus, venite adoremus
Venite adoremus Dominum

Stella duce, magi Christum adorantes
Aurum, thus, et myrrham, dant munera
Jesu infanti Corda praebeamus:
Venite adoremus, venite adoremus
Venite adoremus Dominum

Pro nobis egenum et foeno cubantem
Piis foveamus amplexibus;
Sic nos amantem quis non redamaret?
Venite adoremus, venite adoremus
Venite adoremus Dominum
Cantet nunc io! chorus angelorum:
Cantet nunc aula coelestium
Gloria in excelsis Deo:
Venite adoremus, venite adoremus
Venite adoremus Dominum

Ergo qui natus die hodierna
Jesu tibi sit gloria:
Patris aeterni verbum caro factum!
Venite adoremus, venite adoremus
Venite adoremus Dominum

Aeterni Parentis splendorem aeternum
Velatum sub carne videbimus:
Deum infantem pannis involutum
Venite adoremus, venite adoremus
Venite adoremus Dominum