[Verse 1]
We drink ons eenheden per weke
Heers ons uut, in jinnen dag
Geweun omdat skwon weer is
Of omdat wel neke mag
Omda we ze toch ma weer verdiend ein
Omda we zo oes beste ein gedoan
Omda we morgen upslag kriegn
Of omda we gistern zin ontsloan

De moandag last van oes geweten
Eten kilo's groen en fruut
Dinsdag zin we't alweer vergeetn
Woensdag kunnen we er еcht nie onderuut
Den dundеrdag ist loate
Tis vriedag ipt gemak
De zoaterdag van't nelven ol
Zundag de reste van den bak

[Refrein]
Moar ik worde nen andere mens
Vanaf nu
Ke der nog nekji diep over gepeisd
En ik verandere nu
Kbent stinkede moe
Kbent kotsende beu
Zeg ik u
Moar ik worde nen andere mens
Vanaf nu
[Verse 2]
We werken er hier acht dagen ip zeven
We zien oes kind moar als et slapt
Miskien dam we wa minder werkten
Moesten we nen boas ein die da snapt
We zoen meer tid ein voor oes moaten
Ware et nie dat et leven zoveel kost

En oezen hof moet nog beplant zin
En oezen dak dringend ontmost
We skepper geirn een bord teveel ip
Moar tis omdat oes zo goed smakt
Ge kunt van droge stuutn leven
Ma widder ein liever boterhams me gekapt

Wat ist leven zonder sauze
Wie ziet daar den zin van in?
Een bitje minder skerp stoan kan gin kwoad
Nu dawe toch van stroate zin

[Refrein]

[Verse 3]
Ma veranderinge vroagt geduld en tid
Zelfs ol aj der klaar voor zit
Min lif zoe nog verskieten
Zo van olles direct naar nieten
'T mag nie zin da wie da mie omringt doar last van ondervind
Miskien moek geweun wa mindern
Miskien moek geweun wa mindeeern
[Refrein x2]