'K et verzeker alsan wel geweten
Ne mens komt zere dronke
A 'tie drinkt in plekke van ‘t eten
En da we ‘s nuchtens naar den drank stonken
Da kost oens nie tevele skèlen
We stondn maar ip rond noene
En de kuisvrouwe ging wel dwèlen
Ze had toch nie beter te doene

‘k Weet dеn best betaalden job еs werken
‘k ben de latsten voe ‘t ontkennen
En den jisten voe ook ip te merken
Da ‘k der nooit nie aan ga wennen

Nu dat ‘t hier al zo simpel nie meer es
Nu dat ‘t hier al zo simpel nie meer es
Lik voe mensen die naar de messe gaan
Snie ‘k min lank haar af
Maar ‘k laat een stesse staan

‘k wilde droaien , ‘k wilde nie onstporen
Moar de rails gingn rechtedeure
Haddn de rails een bitje meegeboogn
Vielt er nu niks te betreuren
Kameraden dat è je voer het leven
Een lief i moar iets tidliks
Daarom peis ik dat de vrouwe van min leven
Ne goe verklede vint es
Nu dat ‘t hier al zo simpel nie meer es
Nu dat ‘t hier al zo simpel nie meer es

Zoe j nie beter rap voe vrouw en kindjes gaan?
Tante Rita è nog wel nen buggy staan

'at er niemand iets van u verwacht
Kun je nooit niemand ontgoochelen
Wuk adn ze zidder wel van mie gedacht ?
Da ‘k zonder kikn ginge volgen ?
Je roots zin iets van toen da j kleine waart
Je moeder smeet ze in ‘t eten
Ne keer da j groot zit moe je der nie an peizen
Ge moet ze juuste nie vergeten

‘k kwam de wereld gisteren tegen ip strate
Ie vroegt de weug en ‘k zeie "Lustert
Ik ben zelve ook nie van ollier
Maar ge zijt alleszins nie juuste."