Cóeca rand ro-gab in ben a tírib ingnad for lár in t(a)ige do Bran mac Febail óro-boí a rígthech lán di rígaib, a nnád-fetatar can do-lluid in ben óro-bátar ind liss dúntai.

Is ed tossach in scéoil. Im-luid Bran láa n-and a oenur i comocus dia dún co-cóalae a céol íarna chúl. A ndon-écad tara éssi ba íarna chúl béus no-bíth a céol. Con-tuil asennad frissa céol ara bindi. A ndo-foisich asa chotlud co-accae in cróeb n-aircit fua bláth find ina farrud , na-pu hasse etarscarad a bláthae frissin croíb. Do-bert íarom Bran in croíb ina láim dia rígth (a)ig. Óro-bátar inna sochaidi isind rígth- (a)ig co n-accatar in mnaí i n-étuch ingnad for lár in t(a)ige. Is and cachain in coícait rand-so do Braun, arron-chóalai2 in slóg, ocus ad-condarcatar uili in mnaí.

Cróeb dind abaill a hEmain .i. Emnae nomen regionis. do-fet samail do gnáthaib, gésci findarc (a)it foiri abrait gloini co mbláthaib.

45] Olc líth do-lluid ind nathir
cosin n-athair dia chathair,
saíbsi sech recht i mbith ché
co-mbu haithbe nád bue.

46] Ra r-ort i croís ocus saint
tresa nderbaid a soírchlaind
ethais corp crín cró péne
ocus bithaittreb rége.

47] Is recht óabair i mbith ché
cretem dúle, dermat nDé,
troíthad galar ocus aís
apthu anma[e] tre togaís.