VENI veni, Emmanuel
Captivum solve Israel
Qui gemit in exsilio
Privatus Dei Filio
R: Gaude! Gaude! Emmanuel
Nascetur pro te Israel!

Veni, O Sapientia
Quae hic disponis omnia
Veni, viam prudentiae
Ut doceas et gloriae

Veni, veni, Adonai
Qui populo in Sinai
Legem dedisti vertice
In maiestate gloriae

O radix Jesse, qui stas in signum populorum
Super quem continebunt reges os suum
Quem Gentes dеprecabuntur:
Veni ad liberandum nos, jam noli tardarе

Veni, Clavis Davidica
Regna reclude caelica
Fac iter tutum superum
Et claude vias inferum
Veni, veni O Oriens
Solare nos adveniens
Noctis depelle nebulas
Dirasque mortis tenebras

Veni, veni, Rex Gentium
Veni, Redemptor omnium
Ut salvas tuos famulos
Peccati sibi conscios