[Verse 1]

كنت صغير ..طياره طايره ..
بين الغيوم..دي فقط هائمه..
كنت صغير .. كنت طيب ..
كان عندي كل حاجه عمر الخوف ما كان مسيطر

كل يوم من المدرسه ع التلفزيون
مش متعلق بحد غير شخصيات وهميه "كارتون"
لو اول نظره عني شفتني موهوم كسول
كنت ضعيف البنيه (كوريدچ مش جبان )
اعتبروني مجنون لما اكتب سطر ليه معني
لا احد يعلم ما بداخلي ف بعتبره لعنه
بحاول استعمل لغه مش فاهمينها
حتي أنا اوقات بستغربها وفي لحظه أرجع فجأه!
من النور للعتمه / عمرها ما كانت سهله
لو فاكر الدنيا سانتا توزع فرص تبقي اهبل
كان في شغف كان في لهفه (كان في ربكة)
ناس بتراقب ساكته مستنية الحبكه في المشهد

[Chorus]

عقلي يثور // صدي صوته
في غرفتي أفكاري تمسي غيوم
هل انسي ؟ هل اركض ؟
أري انقاضي تنبض بذكري
لن أهرب // من مصيري
[Verse 2]
كنت صغير..دلوقتي كبرت
مفرقش رأيك.. شفت العالم كأنه سيرك
في كل سر بخفيه كأنه حمل ممزوج بكدب
عشان متكلمش عنه بتلاقيني ضحكت

مضطر اكمل الطريق سواء شئت أو كرهت
انا تعبت "ازاي حتي المشوار مبدأش لسه؟"

اعترافات في رسايل لو انت زيي هتكون فاهم
حتي العمق بقي هوايه بمارسها لما اتضايق

كل شئ بأوانه أقعد وارتاح يمكن تناله
غلط اللي قال الضعيف مفيهوش غير لسانه
اكتشف النار صرخوا و قالوا أحرقوا الساحر
شاورلي بس فين اللي بيدعوا للتفاؤل (مات)

من اليأس اللي محاوطه من كل اتجاه
إمتي بس هالكابوس ينتهي؟ ما بكره فات
بجري ليه؟ لسه سامع همسات سيبتك علي امل
إن كدا انسب بس انتي هاجري و مش هنساكي

[Chorus]

عقلي يثور // صدي صوته
في غرفتي أفكاري تمسي غيوم
هل انسي ؟ هل اركض ؟
أري انقاضي تنبض بذكري
لن أهرب // من مصيري