Ginne bacardie mo amanda
Ginne snickers mo nen appel
Ginne vamos a la playa
Ik ben winner lik dana

Ik goa koken vandoage, ovenschotel met olles
Mjir groentjes up de noene, minder brol up de moage
Ik goa ‘t anders doene, eigen programma moaken
Lekkere gerechjes moaken, en wuk en we geljird vandage
Ip tv geroaken, eten met de boazen
Road geven an de kijkers oe daj kunt vermoageren, voor ol de gezinnen
De dubbele kinnen, jefferson brengt de zin voe de welgezinde

Ginne bacardie mo amanda
Ginne snickers mo nen appel
Ginne vamos a la playa
Gin dafalgans ip min nachtkastje

Ben angeroaden voe te stoppen met drinkn
Omdak mie ongepast gedroege in de betere kringn
Omdak te ludde ginge klappen en zingn
Omdak vee te dikkels wakker wiere met nieuwe kneuzing
Ben aangeraden voe te stoppen met smuoren
Omdak deur 't piepen van min longen min tinitis nimmi kost uorn
Omdat de minsen drunder oltit an stuorden
Ok ik min asse wegtikte over de chique taluorn