Ki congé gepakt van min werk
En vandoage is hjillegans voe mie
Ki min maten ofgebeld
En wok bie familie zien ze mie nie

't is ol vee te lange leen
Da kik min eigen nog i gezien
't is ol vee te lange leen
Ok mie nie vergisse een maand of drie

Kluope rond in minne pijama
En minnen tillefong ligt of
Moe niemand an min deur beln
Doe toch nie open, bedoelet nie grof

Ki van die savatten in de vorm
Van een hondekop of ne wolf
Kan't ni goe zien en 't makt wok niet ut
Voe min part zin 't er van een kalf

Won ne kji kieken wik damme zien stoan
Ip de streamingdienst
Dat ik gezien en dat ik gedoan
Is 't er niks nieuws miskiens?

Kga niemand vragen
Wan k moe niemand uorn
K got zelve wel vin
Ge moe mi nie stuoarn