[المقطع الأول]
فتحت التليفزيون كالعادة نفس الكلام
الفن دمه تقيل دمه زيه زي الاعلام
اللي عامل فنان واللي عامل مثقف
والجمهور كالعادة بيعمل زيطة ويسقف
بيعلموك إزاي تحب وتكره
بيزرعوا في نافوخك أي فكرة
والغسالة شغالة ليل نهار
تغسل عقول الناس وتلوث الأفكار
فتحت التليفزيون كالعادة نفس الكلام
الفن دمه تقيل دمه زيه زي الإعلام
اللي عامل فنان واللي عامل مثقف
والجمهوركالعادة بيعمل زيطة ويصقف

[اللازمة]
التليفزيون هو اللي سايق
ياخدك بعيد ويجيبك
وخلى عقلك غايب
التليفزيون هو اللي سايق
ياخدك بعيد ويجيبك
وخلى عقلك غايب

[المقطع الثاني]
ومذيع التوك شو
بيهرج زي البلياتشو
مع الفنانة ذات الإحساس
اللي بتحب كل الناس
هي هي نفس الحدوتة
طنط تعمل دور بنوتة
نفس السيناريو ونفس الحوار
مكتوب علينا غصب وإقتدار
والأغاني مش عجباني
ولا فيها كلام ولا فيها معاني
نفس الإسطمبة زي الأفلام والمسلسلات
صدر وورك ورقصة
مزيكا مهرجانات
[اللازمة]
التليفزيون هو اللي سايق
ياخدك بعيد ويجيبك
وخلى عقلك غايب
التليفزيون هو اللي سايق
ياخدك بعيد ويجيبك
وخلى عقلك غايب

[جسر]
محلل إستراتيچي خارج من فيلم أكشن
ليل نهار علينا عمال بيكتشن
عايش في مغامرة
كل حاجة مؤامرة
قال إيه خمسة وعشرين ما كانتش ثورة
والمذيع طبعاً شغال على الصورة
شغلته يلمع ويبروز الصورة
بيتاجروا بأي حاجة معدية
مرة بالدين ومرة بالحرية

[اللازمة]
التليفزيون هو اللي سايق
ياخدك بعيد ويجيبك
وخلى عقلك غايب
التليفزيون هو اللي سايق
ياخدك بعيد ويجيبك
وخلى عقلك غايب
[المقطع الثالث]
والناس في بعض عمالة بتقاطع
والجهل على الشاشة ساطع
قفلوا البرنامج من قبل ما يبدأ
أصل الحقيقة بتوجع وبتحرق
النكتة كانت عجباهم إمبارح
بس النهاردة الوضع مش سامح
ولو كلامك منطقي أو ليه معنى
هيقولوا عليك عميل ومش تبعنا

[صولو جيتار]