Je vivroie liement
Douce creature
Se vous saviés vraiement
Qu'en vous fust parfaitement
Ma cure

Pour vous servir loyaument
Et soiés seüre
Que je ne puis nullement
Vivre einsi, se longuement
Me dure

Dame de meinteing joli
Plaisant, nette et pure
Souvent me fait dire: "aymi"
Li maus que j'endure

Je vivroie liement
Douce creature
Se vous saviés vraiement
Qu'en vous fust parfaitement
Ma cure