Luchè
Fin Quanno Vai ’Ncielo
[Testo di "Fin quanno vai 'ncielo"]

[Intro]
Mo che m'addormo i' preg'a Dio 'e me stá attuorno
E si me n'ess''a ì primma ca me sceto
I' prego a Dio 'e se pigliá l'anema areto

[Ritornello]
Serio, fin quanno nun vaje 'ncielo
'Mmiezo 'o 'ncienzo, 'e cannele, 'e ceri
Cchiù sincero, cchiù liggiero
Me può levà 'a cullana
Me può dà 'ncuollo che mmane
Ma nun cancielle, fratè, dincello
Serio, fin quanno nun vaje 'ncielo
'Mmiezo 'o 'ncienzo, 'e cannele, 'e ceri
Cchiù sincero, cchiù liggiero
Me può levà 'a cullana
Me può dà 'ncuollo che mmane
Ma nun cancielle, fratè, dincello

[Strofa 1: 'Ntò]
Te piglie collera si pierde 'e figlie toje 'a into 'a connola
Primma ca compieno l'età de' compiti
Tutte se complica, tu nun hai colpa
Te siente commodo e segui 'a moda
Po' comme accummience a godè se scuonceca
Ogge truove complici cu' nuovi codici
Acierv', senza pacienza
Né guida né obbedienza
Giudizie primma 'e l'udienza
Pietà pe' 'e scugnizze d''a città sconfitta
Ce pienze justo 'o tiempo 'e 'na nutizia
Po' tuorne 'a routin cunvinto 'e cocche mutivo
È 'nu desirio continuo, 'na 'nzeria 'nfame
Ca 'nzeva e 'nzama l'ignorante 'e 'mpurtanza
Risturanti carastuse
Ca si descute staje sicuro adoppe tanta scuse
Geluse gelano, 'o facci' pecché tengo ggenio
Nun aggia cagnà genere pe' fa piacere 'a gente
Te stongo 'ncoppe 'o stommaco
Te 'ntriche, cerche 'e quistione
Però te arrecrei che storie de' guagliune cu' 'e pistole
[Ritornello]
Serio, fin quanno nun vaje 'ncielo
'Mmiezo 'o 'ncienzo, 'e cannele, 'e ceri
Cchiù sincero, cchiù liggiero
Me può levà 'a cullana
Me può dà 'ncuollo che mmane
Ma nun cancielle, fratè, dincello
Serio, fin quanno nun vaje 'ncielo
'Mmiezo 'o 'ncienzo, 'e cannele, 'e ceri
Cchiù sincero, cchiù liggiero
Me può levà 'a cullana
Me può dà 'ncuollo che mmane
Ma nun cancielle, fratè, dincello

[Interludio: Pino Mauro]
Guagliù, Napoli non è più quella di una volta
Napoli è cambiata
Però mmiezz' a tutto questo fumo, no
Aggia 'ntiso 'na bella odor' 'e carne annecchia
Per i nordisti che d'è 'a carne annecchia?
'Na bella fetta di carne paesana
Comunque, mi raccomando, fate onore a Napoli
Parola di Pino Mauro, eh
Jate, 'uagliù

[Strofa 2 : Luchè]
Venerato si more 'mmano a 'nu guardio
Je provo 'nu piacere strano a essere odiato
Perversione 'e 'nu buono guaglione cu 'o fierro 'mmano
E ogne tatuaggio so gocce 'e sanghe 'ncurniciate
E into 'o locale te abballamme 'nfaccia
Tu che pienze ca Co'Sang è commerciale
Aggredimme pe' fa' fronte 'a ruvina
Fianco e fianco cu chi stronca 'nu suonno
Addò 'e catavere addeventano note
Reincarnazione into 'a grolia
Che te aspiette quanno l'evera è incolta?
E 'nu prufeta more acciso da 'o populo suoje?
Into a 'na città ca te svergina
Cu 'e buche into 'e parabrezza
Vetri into 'e cammese, cammine cu 'o Pataterno
Cercamme l'Eden areto marciamme senza spicchiette
Negativo pecché nun tengo scelta
M'hanno attrebuito 'nu Dio e 'na religione
E stamme fore pecché è troppe 'o desiderio 'e affermazione
Motore, azione!
[Ritornello]
Serio, fin quanno nun vaje 'ncielo
'Mmiezo 'o 'ncienzo, 'e cannele, 'e ceri
Cchiù sincero, cchiù liggiero
Me può levà 'a cullana
Me può dà 'ncuollo che mmane
Ma nun cancielle, fratè, dincello
Serio, fin quanno nun vaje 'ncielo
'Mmiezo 'o 'ncienzo, 'e cannele, 'e ceri
Cchiù sincero, cchiù liggiero
Me può levà 'a cullana
Me può dà 'ncuollo che mmane
Ma nun cancielle, fratè, dincello
Serio, fin quanno nun vaje 'ncielo
'Mmiezo 'o 'ncienzo, 'e cannele, 'e ceri
Cchiù sincero, cchiù liggiero
Me può levà 'a cullana
Me può dà 'ncuollo che mmane
Ma nun cancielle, fratè, dincello