El Joker - الجوكر
2 April - ٢ أبريل
[المقطع الأول]
مبلش ريقنا غير لبن مسكوب دموعنا عكرته
أنا الطفل كان في عينه بريق بس الحياة طفته
ربع قرن إتخطف مني والمقابل غنا
بتوه في علامة إستفهام، لماذا نحن هنا؟
وحد الله ولا بعمل شيخ ولا بمسك سبحة
شيطاني ينام شبعان ويجوع أول ما نصحى
بجيبها كل ما أسيبها والبر يكون قدامي
بحاول أعوم في خط بس موج الرغبة عالي
مش متكسر أنا متفتت، يعني مفيش قطع تتلزق
قولتلك الأوفة بتاعتي اللي يشيلها معايا بيتمزق
كدبوا علينا وإحنا عيال، أنا لسه فاكر أول مرة
حلفت كذب وإستنيت وما إتسخطتش للنهاردة
بشكُر اللي إداني ضهره أما الدراما إبتدت
واللي كان على الباب ورجع لما الحفلة إتملت
جايز أنسى مين طبول النجاح ومين سكاكين الفشل
بس إنتي ما أنساكيش عشان مسكت فيكي بعشم

[اللازمة]
كل اللي كان عن بعد جميل عن قرب طفح قبح
واللي كان مزهزه تحت ضي القمر دبل الصبح
نفسك أضعف وآجي قصاد أسوار مدينتك أطلب صلح
مش عارفة تجيبيني بوردة ولا عارفة تجيبيني برمح
كل اللي كان عن بعد جميل عن قرب طفح قبح
واللي كان مزهزه تحت ضي القمر دبل الصبح
نفسك أضعف وآجي قصاد أسوار مدينتك أطلب صلح
مش عارفة تجيبيني بوردة ولا عارفة تجيبيني برمح
[المقطع الثاني]
جات تشوف متحفي فأصبحت تمثال
معظم اللي عملته عملته عشان اللي بيتقال
معرفش غير الكره عشان ما بشوفش غير أعداء
لو بتحبيني سيبيني أموت في حلبة السباق
إحتاجنا في ليلنا لناس كانوا محتاجيننا
فضلنا عليهم ناس رخاص لحد ما زهقوا منا
وجعنا إتدارى في إبتسامة قالت لناس تغور
الأيام وريتنا شيطان في الضلمة كان ملاك في النور
نفسي أقولك بكرة أحلى لكن بكرة زفت
إنت محاط بكم من الصعوبات ماجتش جنبه صفر
اللي إنت فاكره قاع ده قمة قاعك اللي جاي
هتسقط مرة آخرى وللآسف هتفضل حي
بدأ يحصل بيني وبيني مشاكل ما بتتحلش
مش قادرين نكمل سوا ومش عارفين نفركش
عايزين نكون نضاف وكتير عايزين نبان نضاف
بحيي كل شخص مدرك إحنا قد إيه ضعاف

[اللازمة]
كل اللي كان عن بعد جميل عن قرب طفح قبح
واللي كان مزهزه تحت ضي القمر دبل الصبح
نفسك أضعف وآجي قصاد أسوار مدينتك أطلب صلح
مش عارفة تجيبيني بوردة ولا عارفة تجيبيني برمح
كل اللي كان عن بعد جميل عن قرب طفح قبح
واللي كان مزهزه تحت ضي القمر دبل الصبح
نفسك أضعف وآجي قصاد أسوار مدينتك أطلب صلح
مش عارفة تجيبيني بوردة ولا عارفة تجيبيني برمح