El Joker - الجوكر
Enfsam 7ad, Pt. 2 - إنفصام حاد الجزء الثاني
[كلمات أغنية "إنفصام حاد الجزء الثاني" الجوكر وسام]

[المقطع الأول: الجوكر]
زي ما تكون الحياة معانداك وحالفة لتوقعك
عندك أمل تتقدم مهما كل شيء رجعك
كل ما يبقى فاضلك خطوة تتوجد ظروف تمنعك
إحساس إنك مش واخد حقك أكتر ما بيوجعك
وتقول لعله خير ومن تكرارها تشك في إنه
لا خير ولا عمره كان، ده شر ولنفسك زينته
إنت إدعيت الزهد، بركة إننا سيبنالك خيش
آخر مرة السما تساعدك كات أيام قريش
عايز تفصل بيننا وبين خالقنا عشان نعيش في غابة؟
عايزنا نثور على إمتحانه بدل ما تشوف إجابة؟
هتموت بتحارب الحياة وما دوقتش طعم صلح
كن جميل ترى الجمال، كن قبيح فترى القبح
لم تدع هذه القرية العفة لشخص أو لجهة
ربما لا تعني هذه القرية شيئا للآلهة
كلها بتقول كلام كبير وبتعرف تلفت نظر
كلها بتقول ربنا كبير وتلف تاخد حذر

[اللازمة: سام]
أنا طيب وأنا شرير
فخايف أعيش وخايف أموت
بخاف الدنيا تسرقني
وأخاف العمر مني يفوت
[المقطع الثاني: الجوكر]
يحصلك خير تقول ثواب، شر تقول مصاب
يحصلي خير تقول ده فضل، شر تقول عقاب
الحياة يا أذكى إخواتك عشوائية نتيجة إن
ممكن فراشة في ليبيا تكون سبب إعصار في الهند
ومين اللي قالك إنه لو حصل فمش مكتوب؟
ربك بيسبب الأسباب وكل شيء محسوب
أما هو عارف مين هيتوب ومين هيموت حرامي
ما نتخلق ونخش نار وجنة بدون سياق درامي
وساعتها مش هتقول أنا إتظلمت؟ ما أنا مظلوم
بس هو مين يوم الحساب هيكونله حق يقول؟
لأ ما حدش إتظلم وما كانش قدامه إختيارات
وما حدش ما بياخدش الأربعة وعشرين قيراط
ده أفيون بيضربوه المتدينين فما يشوفوش
إن في أشخاص معاها فلوس ما تملكهاش شعوب
الناس دي قيمة المال في عينها غير في عينك إنت
خلفة مشتاق لخلفة غير السابعة لأب ستة

[المقطع الثالث: الجوكر]
حاسس بيك وعارف كل شيء فكرت فيه
ضاقت الحياة عليك، ظنيت إنه السبب في الضيق
حسيته مش مهتم بيك أو كإنه بيعجزك
تستقيم إزاي والمستقيم بيتدهس بالجزم؟
كل الظروف كانت ضدي لكنني في المقاومة قدوة
ما لم تعطيه لي السماء قد إقتلعته عنوة
ويا ترى كام حاجة من اللي حاربت لأجل ما توصلها
ندمت أما وصلتلها عشان ما نابكش غير شرها
أنا عشت وإتعلمت وإنت لا عشت ولا هتعيش
لأ عشت لكن ما جريتش ورا حاجات ما إتكتبتليش
كان ممكن تاخد أكتر، تفرح أكتر لولا غبائك
الدنيا اللي بتدعي إنك فاهمها هفهمهالك
أغنى الناس رغم كل فلوسه عاشها يوم ويوم
يوم مرتاح، يوم على أتفه حاجة ما كانش يجيله نوم
أفقرهم عاشها بنفس الحسبة، يوم ينام جعان
ويوم يرزق بعشا ينام الدنيا مش سيعاه
[اللازمة: سام]
أنا طيب وأنا شرير
فخايف أعيش وخايف أموت
بخاف الدنيا تسرقني
وأخاف العمر مني يفوت

[المقطع الرابع: الجوكر]
ربك كان قادر يصلح العالم فقط بظهوره
دي حجة أي شخص أضعف من الإيمان بوجوده
مش الصعوبة في الإيمان، الصعوبة في الأعمال
عشان فرضها عليّا إله وجوده مجرد إحتمال
كتر المعاصي حطك على أول طريق الكفر
شيطانك أشطر من حنين، لن تعود بخف
إنت بالنسبالك إحتمال عدم وجوده مخيف
مش في صالحك تبقى غابة لإنك الطرف الضعيف
إنت اللي فشلت تمشي صح، فلما ذنوبك تقلت
أصبح عدم وجوده آخر أمل إن إنت تفلت
أنا براعي كل الإحتمالات عشان ما أخسرش حاجة
لو مش موجود أنا عشت، لو موجود قلت الشهادة
كان كله عمل زيك لو الجملة هي الدين
مش التوبة باب مفتوح؟ خلاص نتوب على الستين
طب لو مت قبل كده؟ تبقى أكيد ما إتكتبتليش
لأ تبقى إخترت لآخر لحظة إنك ما تسمعنيش

[الخاتمة: ساك]
أنا المقسوم على الإتنين
وناتج قسمتي توهاني
أميل لطريق من الإتنين
وفترة وأميل على التاني
أميل لطريق من الإتنين
وفترة وأميل على التاني