A B C D E F G H I J K L M N O P Q R S T U V W X Y Z #

El Joker الجوكر

"Eskot | اسكت"

"كلمات الجوكر - "اسكت

[المقطع الأول]
لأنى بحبك اكتر بسيبك تقولى بحبك اكتر
وانا عايزك مبسوطه مش اكتر بسعى لدا على قد ما بقدر
كل ما اجى انامـ فوق صدرك اشوف عليه جماجم ..
ازاى انا تانى فارس لما كل الناس دى ماتت ؟
اسحبينى بـ عنف للعمق اللى بغرق فيه
طول ما انا ميت فيكى مش محتاج لـ الاكسجين
الواقع غامق فى الواقع فمتداريش غمقانه
أحمد بوظ اللوحه خد يا جوكر لونهاله
أهو كدا الاسود لون نفوس الناس اللى هنا
مش قادره تأمن فمحتاجه تبقى متأكده
عندك جنه توريهالها ولا اعتمادك انها مؤمنه
لو كدا فالناس هايبه جهنم مش حابه ربنا
طب ليه اسماعيل ساعد ابراهيم .. وطاطى للسكينه ؟
مش كلهم ابن نوح .. نوح مش لوحده ع السفينه
زمن المعجزات انتهى .. الناس حاطه القوانين بنفسها
عايز البار كله يصقفلك ؟ اشرب الازازه كلها

[اللازمة]
من امتى شيطانا ادانا غير اللى نأذى بيه اللى أذانا ؟
سيبونا نؤسس اليوتوبيا على اطراف الغابه
لو فشلنا ادينا حاولنا دا هيدى الامل لـ غيرنا
ع الاقل سيب سجاده لـ غيركـ فى اتجاه القبله
من امتى شيطانا ادانا غير اللى نأذى بيه اللى أذانا ؟
سيبونا نؤسس اليوتوبيا على اطراف الغابه
لو فشلنا ادينا حاولنا دا هيدى الامل لـ غيرنا
ع الاقل سيب سجاده لـ غيركـ فى اتجاه القبله

[المقطع الثاني]
معقوله صحتك ؟ فـ بتحاربنى ؟ علشان صاحبتك عايز تسيبنى
أنا لولا زرعت فيك الكره كنت مت قدام منى
انت مش فلته دا انا اللى عملتك
دا لولايا مكنتش الناس أدمنت تشوف بعدستك
دى مش عدستى دى عدستك انت انا هنا من زمن انت منى امتى
خلتنى كرهت كل حاجه مستغرب ليه من كونى كرهتك
تكرهنى انا ؟ تكرهنى ليه دا لولايا أنا كان زمانك فين
كان زمانك لسه بتكتب سلمى الجزء الألفين
شكرا ليك كنت مرحله بعد كدا علاقاتى هعرف اختارها
تصدق حتى انى بفكر وقت ضيقتى الجأ للصلاه ؟
وانا كنت بعدتك عن ربنا ؟ لأ دا انا قربتك أكتر ليه
أنا كرهتك أكتر " فينا " عشان فى الواقع كلنا وحشيين
لأ دا انت اقنعتنى انى شيطان وكتفتنى علشان معرفش أغير حاجه
ومن ساعتها مفيش حاجه بتتبنى
الدنيا غابه ما هى اختبار نفس و أنا عليا وفيه اختيار
ويمكن توبه بعد جبل ذنوب تنجينا من النار

[اللازمة]
من امتى شيطانا ادانا غير اللى نأذى بيه اللى أذانا ؟
سيبونا نؤسس اليوتوبيا على اطراف الغابه
لو فشلنا ادينا حاولنا دا هيدى الامل لـ غيرنا
ع الاقل سيب سجاده لـ غيركـ فى اتجاه القبله
من امتى شيطانا ادانا غير اللى نأذى بيه اللى أذانا ؟
سيبونا نؤسس اليوتوبيا على اطراف الغابه
لو فشلنا ادينا حاولنا دا هيدى الامل لـ غيرنا
ع الاقل سيب سجاده لـ غيركـ فى اتجاه القبله

A B C D E F G H I J K L M N O P Q R S T U V W X Y Z #


All lyrics are property and copyright of their owners. All lyrics provided for educational purposes and personal use only.
Copyright © 2017-2019 Lyrics.lol