[المقطع الأول]
بنقدم قبل النوم عرض شاش وميكروكروم
تهزيئاً لدراكولا، بطولة الفيلم لفص توم
فاضل ألف جنيه على أول ألف في المليون
أو شفرة موس يا حبل في نجفة الصالون
آدي اللي إتلصم عطل، الواقع يخذلك تتسطل
صعب تعيش باللي منك فِضِل، وصعب اللي فاضل فيك يتقتل
راسه مش في الطين عشان كرامته سوى البلاطة
لأ كان عنده إرادة، بس هبت ريح وطاطا
في قمة الهيكل ده عين ترى الجميع
في أرض الذئب جُرِم إجتماع قطيع
ونادى منادي بكوننا إتنقذنا
بحال المراكب اللي غرقت وعظنا
شكر كل اللي شارك ببصمة
لقانا بنغرق نادى لقراصنة
صاحب الشيطان وما تصاحبش فكرة
الشر واقع والبلد دي خرم إبرة
اليأس سلاح وتلم، يعشق اللي خاف فسِلِم
أما باني اللي بيتهدم، لو مفاقش ما كانش حِلِم
وطننا ضاق لكنه عشق، الوضع ساء تحليته غش
وزيرنا مات وملكنا كِش، وإتقال معلش
صمتك مش علامة رضا، علامة الفرهده
كلنا أطراف في صراع على حتة جبنة في المصيدة
اللي متسطلش كفاية عاز فنون تسطله
ديلرات الكار نجوم طريق مخطيناش أوله
[اللازمة]
أنا لما قولت لأ كنت بقولها عشان شاريكي
أنا عند حسن ظنك قالب الدنيا ومش لاقيكي
قالولك إني طايش وإني مش بفكر فيكي
قسموني أتنين إتغدوا ببعض عشان يتعشوا بيكي
أنا لما قولت لأ كنت بقولها عشان شاريكي
أنا عند حسن ظنك قالب الدنيا ومش لاقيكي
قالولك إني طايش وإني مش بفكر فيكي
قسموني أتنين إتغدوا ببعض عشان يتعشوا بيكي

[المقطع الثاني]
قالي ملفك كِبِر جملة سياسة كمان وشكرا
قولتله متهددنيش إنت متعرفش أنا مين في شبرا
هما اللي إتمادوا؛ فمخدتش الدوا في ميعاده
كُنا ستة، وستة منه ماتوا
طموحك نازل أرض الواقع هيبططك
اللي عوزته واللي إتحقق شيء وعكسه وده أحبطك
نِداك في مالطا ربى فيك الكسل
معادش فيها حاجة حلوة، أو سوادها عسل
مربوطين في ساقية أكل العيش من تعليم لجيش
لحب قتله سعر السوق فقالوا عنه طيش
مش صدفة كل الناس دي بقت بتحلم باللجوء
محدش غيرنا بيعزف تيتانيك بتغرق فوق
البلد دي فيها ظلم والسكوت عليه جريمة
فاضل إيه عشان تحس إنك ملكش قيمة
إتهانت جوة قبل برة ألف بدل مرة
سكرهم يا نمل مرر، إتحرر