TFK [BT]
Beb Es sbiitar / بـاب السبــيـطار
[المقطع]
معاك البروف مجنون و جيت نصحّح الكرّاس
تدّو قع صِــفر باسكو العلم ماشي فيه فــ الراس
أرواح نعلّمك ماتموتش مع الدنيا السمية
نعلّمك تعيش ذراع بعقلية يا فيك يا فيا
هذا الكوبلي وليدي مي كي زاد مرض بــ اليَـــأس
مجنون نتا ماشي أنا إذا أمّنت بلي نحبّس
محال حبّس و مي فان شكون يداويهم
و مام نديرها نبقى نكتب كي يكبر وليدي يغنّيهم
كلّشي مكن مع الرجال ، كلّش يجوز مع التَّـــف
إذا غْــواك الحُــبّ جيبلو الرجلة تضربو بــ رافال كفّ
ماكنتش نحبّ على قراوجي مي كي كبرت صَــدَّقتهُــم
أَلور جامي تغيّرني مون آكس و يحبسوني قدام دارهم
كي غبت بانولي بزااف قلوب حابَّــة تتصفَّــى
ماعليش خلي النيفو يطيح كاين دراهم القفّة
لي يحبّني نحلفلك باش تحبّ هاذي الهدرة مايقولهاش
لي يحبّني صح دايمن في ظَــهري و مسكين أه مايقولهاش
جامي نصاحب الزنقة و الشيرة و لالكول
عدويا مانتمنالوش الحبس ، المونك و يبطّل ليكول
تمنّيتلو موتة باسكو يقولك لي دّاه ربي يحبُّــو
و نتمنالو السبيطار باش يطهَّــر ذنبو
كابابل علاجالك نتا يدير الروطار
ماتزعفش كي تراطيه غدوة تسمعو من السكّة طار
الصبّاط يبقى صباط يا لوكان مقيُــوس على بوش
تبانلي الوقت صعاب على لي نديرو سوايع فــ لاقوش
جميع لي يلعب دومين يقرا أسمك فوق الطابلة
الموجة اللولة لي تجي تمحيه إذا كتبتو فوق الصابلة
قلت للزهر نجيك قالي ركّب فاء و قاف
جو بريفار يطيحو عليا الدولة و ماشي التقَـــاف
زعما رجلة و لاكوست باش شراوها زرمو ميَّــت
إذا كان الرجلة فيها لبستها كي كانت زرمومية
حلّت فمها كي شافت الفالصو شحال قلبو ميّت
شافت الرجلة صح بقات حالّة فمها مخلوعة فيا
الـ بِـــيتِــي ولاد حومة الراب و مزالنا ساكنيــــن
رانا نبانو برك ، على فيروس ماراناش ساكتيــــن
سمحت بزااف حتى عشّيت نعض في لساني و نندم
تكثّر يجي النهار ما نامنكش مام ماتكونش تكذب
كرهتك كيما نكره السرقة
حايب نولي وين كنت حاسب لي عينيه زروقة تبانلو الدنيا زرقة
الوقت لي رانا فيه لي يشوف بــ وَذنو يْــقَــيّْــدوهالو
ماشي قع لي عينو زرقة مهنّــد بالاك طَــلّْــعُــوهالو
لي يشوف بعينو كيفكيف يحشوهالو
يبان يطلّع العينين و هو ماقدرش يطلّع سروالو
عدويا مورايا مسكين شحال تبانلو
بنفس الكلمة نحاربك نتا تعشقني طلّع راك تبان لُـــو