[Hook: Da Face]
Is Real tings dat ah doh like
Real tings dat ah doh like
Dey wah raise tax on de middle class
And de poor ppl while de rich nice
Is Real tings dat ah doh like
Real tings dat ah doh like
Old government new government
For de same shit and de same vice
Is Real tings dat ah doh like
Real tings dat ah doh like
De pp government tief de money
And allyuh know and dey outside
Is Real tings dat ah doh like
Real tings dat ah doh like
Dey feel de country just stupid hoss
But ah go buss up mih mouth right

[Verse 1: Da Face]

14 million on speed guns
Allyuh feel we is real ass
Should use dem guns on these politicians
Dey spend we money out real fass
Allyuh say you wah save lives
Real talk daiy new tax
Cause not a person here driving 80
On the highway daz real facts
Speed limit here 50 years
Allyuh figure dat make sense
Milllions owed by business owners
But taxing goods on the de internet
Go drop de debt
Yeah right
De douen done make sure he friends right
Party politics eat ah food
Poor ppl cyah get an invite
Daz one ting but wtf
Boy allyuh hearing de ttgf
Who fight down Thema stink good ting she blessed
A hope Dick loss, cause daiy real bs
Doh run, lewwe lime
I wanna hear how yuh give canada de bligh
Say she heart not here but she get de try
Allyuh full ah gas, canada dry
Canada dry
Canada dry
Allyuh full ah gas, canada dry

[Verse 2: Da Face]

Ish still here, Warner here
But we have a crime problem
White collar crime
Men not in jail and de case eh solving
Flow internet is shit
Ah cyah upload de song
Hope Digicel could link mih
Cause dan something wrong
12.5 is vat but the grocery raise dey prices
And you wonder why some men fly out and run join isis
You laugh at Kublalsingh but now this is a crisis
Now is you starve and de must halves full dey have itis
New benz, new Benz
All black with pm
In front real wet
Then on the TV, like real debt
$900,000 and foreign made
No soap cyah deal with dem vomit stains?
Oh i forget (breathe) allyuh underpaid
Is real bobol in this sovereign state
Is real tings dat ah doh like
So name calling with no skype
Money flowing with no pipe
And contract passing with no hype
We going through with no returning
And boy it done ha mih belly turning
But ah go stop where dat concerning
You know it real hot when wasa burning