Mien Naam weer Käpten Kidd
As I sail – as I sail
De Klappermann sail mit
As I sail
He hung as Talisman
Vörn an den Bugspriet dran
Un he fung dat Zappeln an
As I sail – as I sail

Um mi weer moi Krawall
As I sail – as I sail
Oft wurr't en blodig Ball
As I sail
Ik dreev de Lüüd von't Deck
In'n Squaredance över't Heck
Wülk sturven glieks vör Schreck
As I sail – as I sail

Mit Enterhaak un Biel
As I sail – as I sail
Maak ik me korte Wiel
As I sail
Von de Regentenflott
Wurr so männig Pott to Schrott
Un ik har so'n Schrottmarott
As I sail – as I sail
De König keem in Raag
As I sail – as I sail
Wull mi an mien Kledaasch
As I sail
En königlich Soldat
Kreeg bi'n Landgang mit tofaat
Un de Haublock stünn al parat
As I sail – as I sail

De Henkersknecht nehm Swung
I must die – I must die
He smeet mi up den Dung
Tell me why
Dar deeg mien Kopp en'n Sprung
Un he hoppel ohn den Rump
Na'n Kroog hen up sin Stump
I don't lie – I don't lie

De Kröger hett mien Kopp
As I die – as I die
Mit Kokuswull utstoppt
I must cry
Ik hung veel hunnert Jahr
Un de Motten freet mien Haar
Un ok Rotten weern al dar
I must cry – I must cry
De Qualm garvt mi de Huut
I must cry – I must, cry
Verkliestert mi de Snuut
I am dry
Se schnasseln nu mien Rum
De Sottköpp fett un dumm
Un mien Tung blifft leider stumm
When I cry – when I cry