[Songtext zu „Auf da Stroßn“]

De Krippen ling am Boden umanaund
Und summan a Liadl von daham
Am Obend werns wieder eiglaubt
Steign ins Auto, foahrn ham
Die Buama sitzn auf die Bangln
Tan rafn, schlatzn und rangln
Und de Weibsn a poar Bangln weida
Tan kudern und richten die Buama aus
Und an Sandla hot's mi'm Doppler in Buschn einiprackt
Is eigschlofn, wo er umgfoin is
Is eigschlofn, wo er umgfoin is

Und nebn eam liegt no die woarme Speibe
Na do werd'n sie die Tauben owa g'frein
"Weche Sau hot do hingspiebn?"
Hert ma a Oide schrein
Mit'n Billa-Sackl in da Linken
Und an G'schroppn in da rechten Haund
Joo wos san des fia Sittn mit an verzoganen G'friß
Gengan's gaunz schnö vorbei
Gengan's gaunz schnö vorbei

Vorbei beim Kebap-Standler
Wo si de Spieß so sche drahn
Salot und Servietten
Und a poar Hendl-Fetzn
Joo ollas kugelt aum Bodn umanaund
Und a Greenpeace-Hawara
Draht sei Mapperl uman Finger
De Leit schaun aus de Fenster
Rauchen ane oder blärrn vom Balkon
Haum rote Bellagonien in de Blumenkisteln
Ob's heia wos werd'n wissen's ned
Und da Hausmasta schwanzelt mi'm Teppichpracker umanaund
Und balawert mit da Nochbarin
Von da Ansa, Ansa-Stiagn
Und drüb'n aum Spüplotz tan's Käfigkick'n
De Klan miassn zuaschaun
Wei waunn's wieder goschert san
Werd'n earna die Grossn die Zähnt eihaun
Die Heisln vom Spüplotz san augschissn
Do liegn von de Giftla die Spritzn
Und die Papierln und die aubrandltn Dosen
Hinsetzn kaunnst di do ned
Hechstns du mechst da wos hoin

Drum gengan die Kinder hinter die Streicha wischln
Miassn's aufpassen, dass in Sandla ned dawischen
Wo im Winter die Omschi's mit de Pözhaub'n stehn
Und de Leit an Wachturm audrahn
Joo nur gaunz sötn
Bleibt amoi ana steh
Und losst si a Gschicht dazön
Und losst si a Gschicht dazön

Wo dahinter de Krippen aum Boden kugeln
Jo de, de a Liad summan von daham