A B C D E F G H I J K L M N O P Q R S T U V W X Y Z #

Voodoo Jürgens

"Scheidungsleichn"

[Songtext zu „Scheidungsleichn“]

Gemma davon aus, ihr hobts euch aufgrissn
Auf ana Beachparty im Schützen
Oder wors in Rust (waß i ned, wuascht)
Du host sie eiglodn auf 3 Tequila
Daunn hobts auf da Taunzfläche gschmust

Ihr steigts in dein rodn Mazda 323
Ihr rattats im Planquadrat
Womit si die Gschicht erledigt hod
Weil da Kieberer di blosn lost

Gemma davon aus
Ihr woids grod in sein Wogn steign
Und es schreit eich ana noch
Dass gescheida warat waunns ned auf da Hauptstrossn foarts
Wäus heit Üeroi stengan, ned dass eich daklengan
Oiso schleichts am Promüwegal und die Gschicht rennt wie gschmiert
Ihr bremsts eich ei vur sein Elternhaus, weil er sturmfreie bude hod
Und ihr pempats im Schlofzimmer von seine Oidn
Ois gabats ka murgn

Owa da Teife schloft net
Du wochst auf am nächstn Tog
Und denkst da „naaa, wos hob i gmocht“
Du hoffst, dass er net aufwocht währendst deine Sochn zaumanpockst und di unauffällig auf die Sockn mochst

Owa der Obnd der hängt da no noch
Drei Monat späda host an Schwangaschoftstest gmocht
Dass die gfreit host, kaunn man net sogn
Owa a Obtreibung am Fleischmorkt wor a ka Option
Oiso hobts gheirat, wast eh wies am Laund so is
Waunn ma hochschwanger is
Hobts Haus baut am Dorfraund, wo olle Jungen baun
So a Fertigteilhittn is schnölla aufbaut ois ma glaubt
A Grülla, a Satschissl, a Hollywoodschaukel
Die gaunz alanich im Gortn baumlt

Jo, do stengans jetzt ans noch aundan
Ollas die gleichn Scheidungsleichen
Jo, do stengans jetzt ans noch aundan
Ollas die gleichn Scheidungsleichen

A B C D E F G H I J K L M N O P Q R S T U V W X Y Z #


All lyrics are property and copyright of their owners. All lyrics provided for educational purposes and personal use only.
Copyright © 2017-2019 Lyrics.lol