[المقطع الأول]
لسه في الأيام أمل مستنيينه
طول ما في الأيام فيه ناس عايشين عشانها
لسه للأحلام بقية مكملنيها
طول ما فيه إحساس قلوبنا مصدقينه
لسه في الأيام أمل مستنيينه
طول ما في قدامنا سكة يتمشيلها
وأما تنزل دمعة لاقيين ناس تشيلها
طول ما لسه العمر بيصالح سنينه

[اللازمة]
طول ما لسه فيه ناس بنتدفى بحنانها
والحاجات الحلوة واخدين بالنا منها
طول ما لسه فيه ناس بنتدفى بحنانها
والحاجات الحلوة واخدين بالنا منها
وحكايات الحب لسه بنقرا عنها
طول ما لسه الليل فيه عشاق سهرانينه
سهرانينه

[المقطع الثاني]
لو فيه أوقات عدوا بخسارة علينا
لو فيه ناس حوالينا بسببها إتآذينا
لو فيه لمحة حزن متشافة في عينينا
باللي بنا كل ده مستحملينه
لسه في الأيام أمل مستنيينه
طول ما إسمك كل يوم بنطق حروفه
طول ما بكرة مسيري على حسك هشوفه
طول ما أنا طريقي عينيك منورينه
[اللازمة]
طول ما لسه فيه ناس بنتدفى بحنانها
والحاجات الحلوة واخدين بالنا منها
طول ما لسه فيه ناس بنتدفى في حنانها
والحاجات الحلوة واخدين بالنا منها
وحكايات الحب لسه بنقرا عنها
طول ما لسه الليل فيه عشاق سهرانينه
سهرانينه