بلدنا أمانة في إيدينا
نعليها ما دام عايشين
نعيش فيها سنين وسنين
وإحنا مطمنين
بلدنا أمانة في إيدينا
نعليها ما دام عايشين
نعيش فيها سنين وسنين
وإحنا مطمنين

ما شربتش من نيلها؟
طب جربت تغنيلها؟
جربت في عز ما تحزن تمشي في شوارعها وتشكيلها؟
ما مشيتش في ضواحيها؟
طيب ما كبرتش فيها؟
ولا ليك صورة ع الرملة كانت الشط في موانيها؟

دور جواك تلقاها، هي الصحبة وهي الأهل
عشرة بلدي بتبقى، نسيانها ع البال مش سهل
يمكن ناسي لإنك فيها
مش واحشاك ولا غيبت عليها
بس اللي مجرب وفارقها
قال في الدنيا مافيش بعديها

إن غبت بحنلها
وأنسى الدنيا وأجيلها
وإن جيت أنسى تفكرني بمليون ذكرى القلب شايلها
غالية بلدنا علينا
وهتفضل في عنينا
وما دام بنحب بلدنا تبقى هتتغير بإيدينا
إحنا اللي نعليها
بإيدينا نخليها
أجمل لينا ولولادنا مهما العمر يعدي عليها

دور جواك تلقاها، هي الصحبة وهي الأهل
عشرة بلدي بتبقى، نسيانها ع البال مش سهل
يمكن ناسي لإنك فيها
مش واحشاك ولا غيبت عليها
بس اللي مجرب وفارقها
قال في الدنيا مافيش بعديها

ما شربتش من نيلها؟
طب جربت تغنيلها؟
جربت في عز ما تحزن تمشي في شوارعها وتشكيلها؟
غالية بلدنا علينا
وهتفضل في عنينا
وما دام بنحب بلدنا تبقى هتتغير بإيدينا
ما شربتش من نيلها؟
طب جربت تغنيلها؟
ما مشيتش في ضواحيها؟
طيب ما كبرتش فيها؟

يا يا ليل
ما شربتش من نيلها؟
طب جربت تغنيلها؟