[المقطع الأول]
على قد الحب بيبقى اللوم
وأنا باقي عليكوا إنما مهموم
والغربة في حضنكوا طعمها خوف
ماهو إنتوا عيوني إنما مكتوف
إيه فايدة عين ما بقتش تشوف؟

[اللازمة]
كل اللي هيجي في بال إنسان ليكوا عملته
قلبي المحني بحمل الأشواق تقلت شيلته
كل اللي هيجي في بال إنسان ليكوا عملته
قلبي المحني بحمل الأشواق تقلت شيلته
بتحبوني ولا ده كيفكوا تتحدوني؟
اللي ما بينا بقى بالنسبالي ماهوش مفهوم

[المقطع الثاني]
لو كان للصبر حبال هتدوب
وأنا عاشق جرح من المحبوب
كام مرة مشيت وواربت الباب
وعملت لحبكوا ألف حساب
أنا عاشق فعلاً مش كداب

[اللازمة]
كل اللي هيجي في بال إنسان ليكوا عملته
قلبي المحني بحمل الأشواق تقلت شيلته
كل اللي هيجي في بال إنسان ليكوا عملته
قلبي المحني بحمل الأشواق تقلت شيلته
بتحبوني ولا ده كيفكوا تتحدوني؟
اللي ما بينا بقى بالنسبالي ماهوش مفهوم