[المقطع الأول]
ماتزاديتش نعيش طبيب
كانحلم نمسح الذنوب ماشي حجري يكون طويل
الله ينجيك من الزحافة لا لاو كايخطويو
المشكال بحال الحوايج غي متعلمتوش تطويو
وا عييت منجري فدماغي الداخل لقيتو ما كايتحدش
واللعاقة اللي متديكش للحج أعشيري تديك غير للحبس
وا سير تربى باش تربي، ماتلومش عشيرك ماخباش سرك
راه نتا اللي قلتي فالأول معرفتيش تخبي
ماشي كولشي خايب تا اللي فيه الجوع كيشفر
هادو المبادئ ماشي ضحكة ملونها بالصفر
تعلمت نحن بحال الغراب ونشوف عمى كي الصقر
تعلمت غي نعطي كي التراب بينما نولي صخر
كي ضحكنا الحلايقي حسن كاع من فنان مرايقي
روابا ختارو ينشدو كلاش ويحفظوه المراهقين
هذا كرسي الإعتراف كي عسل دالنحلة
كلشي إلا الإحتراف كيعزلنا حنا
ماقتانعناش بديك القراية ديال تيو وسبورة
بلادنا بيضة توسخات مكرهتش يصبنوها
عطاونا ورقة وصبرونا قبل مانصوتو صبغونا
قبل مانغوتو صدرونا خفنا يقولو صدعونا
نتايا كتبتسم بسيلفي فبيسين
قاليا با البلاد زوينة فيها القص والديسير
هو ختار يعيش ساكت الله يجيب ليه التيسير
وأنا كانداوي ريح الحكرة بحال شي رينوميسين
[اللازمة]
مكرهناش نطيرو من هاد العالم
أش عطانا بنادم من غير الألم
غا تسالي بالصداع وخا بدات بالسلام
وفرتك الجقلة راه العشرة سالات
مكرهناش نطيرو من هاد العالم
أش عطانا بنادم من غير الألم
غا تسالي بالصداع وخا بدات بالسلام
وفرتك الجقلة راه العشرة سالات

[المقطع الثاني]
قررت ندير ماعلاباليش ونعيش ترافيس سكوت
سايق حديدة والبوليس مصافة ف أوطوسطوب
ونزيد فسوط المزيكة وطالق هاذ السطور
را بنت دارهم كاينة فدارهم ماشي فأب ستور
كاتدوي على الراب حنا كرهناه سقصي السنان د' جو
مفهمتيناش حيث فهاتمك حدها رشيد شو
هدشي مخصوش يتقال فابور
هدشي كينقي الوذنين وحسن ليك من الصابون
هذا سالف عبلة واخا عمرو شاف الصالون
هذا بنادم ضارب مال قارون بطالون
وباكي فخاطري قول لدنيا عمرني نضحك واخا تهريني
وبلا ماتلبسني الأحلام الواقع غيعريني
لصق الماسك ولا حيدو غتفرشك الكولا
باش غادير العاقة بإشهار كوكا ؟ كولها
سول أناس، محيريشة,بيروري,حلومة
مابكيناش واخا شفنا الدم ملي حلونا
باغي تدير بحالنا نعلموك ودابا
لا سماوك نتا النقال سمينا الأدباء
حنا كنقلبو على الحق ونتا شراطي دالريزو
13 ans ماغاتلقاش ال'تريزور واخا تزيد 13
مكنفوتوش جوج صفرات
ولا صوتك مزعب خود ليه جيليت بجوج شفرات
راه قلت ليكوم عظمي خاسر حيت مافيهش اللسان
غاذي تعلمهوم السعاية غيسبقوك لوسام
[اللازمة]
مكرهناش نطيرو من هاد العالم
أش عطانا بنادم من غير الألم
غا تسالي بالصداع وخا بدات بالسلام
وفرتك الجقلة راه العشرة سالات
مكرهناش نطيرو من هاد العالم
أش عطانا بنادم من غير الألم
غا تسالي بالصداع وخا بدات بالسلام
وفرتك الجقلة راه العشرة سالات

[خرجة]
كنحتارمو الرجال اللي كايحتارمونا
وفاك الرجال اللي خلا عشيرو باش يختار مونا
خليكوم كتعيطو فدياز 31
امكاينش اللي غيجاوبك أساط