[الدخلة]
راني مباسي، SDF
وين نحط راسي، SDF
حاب نطراسي، SDF SDF SDF SDF SDF

[المقطع الأول]
كان عايش كيما نتوما، كانت عند دارو
كان عندو عائلة و كانو صحابو جارو
كان يدعي ربي باش غير يطول فعمارو
كان حامد ربي، ربع حيوط و سترو عارو
كان عندو أم و أب و كان يقرى فالليسي
كان حاب يولي حاجة كبيرة قبل décès
كان حاب يدير مستقبل و كان مبريسي
كان bon élève قدام sujet ما يستريسي
بدات لحكاية فـ 2015
ـJanvier, sept
نهار جاتو appelle قالولو صاحبي يماك توفاة
بقى في سكات، عين ما بكات
و هو فـ choque شكون لي مات
يماه راحت، يماه جات
دنيا جابت، الموت دات
كمل عزاه و باقي وحدو غير يدور
يشوف تصاور و يولي للور
دمعتو تعمر le port
شيان، ما بقالو والو فالـ corps
موراها بيامات، لحقها الشيخ في حادث مرور
كيما تعرفو نص الشعب كاريين دار
مور الجنازة بسمانة الكاري مزادش نهار
كان عندو عائلة mais المليح فيهم شرار
لقى قشو برا يتلاوح و هاذاك اللي صار
بدات الزنقة تاكل فيه و كل يوم عند صاحب
حتى صحابو كرهو منو و الجميع انساحب
جيبو فرغ و قلبو تعمر فهاذ الزمان الشاحب
بدا يعيط فالتيليفون لالا واحد ما حب
راح بدا يخدم في قهوة و كان يبات فيها
حبس لقراية للشهرية ما راح تكفيها
الليل يجيب صدع و الضلمة تاع ماليها
بشهرية تاع زوج ملاين و ماشي فاريها
شاف عباد خاطيين فالشارع يبيعو الكيف
شافوه يتيم، قالك هاذ الطفل خفيف
ما عندو كتاف، ما كاين لي عليه يخاف
جابولو فاية و قالولو دور بالسيف
بدا يبيع فحاجة ماشي تاعو، يعطولو مصروف
يخدم صبح فالقهوة و لعشية يخدم بالخوف
خايف مالشرطة و خايف ملعرايا و المكشوف
بدا يتحرق فالحومة، أسمو ولى معروف
سمعو بيه زروقا و مول القهوة جابو برا
بقالو غير ينحارف، كاش ما يسلك الجرة
بدا يبيع الكاشيات و قاع لي تعمر الراس
بصح الزنقة تقول السلكة ماشي في كل مرة
طيحوه بزوج فايات كيف délai 17
مكاش مقلق عالأقل داوه وين يبات
شارع، ضربوه بربعة في سكات
مكاش لي يجي le parloir و مكاش عين عليه بكات
خدم ربع سنين و طلقوه 2021
وحدو يدور برا مسكين، مالاقي بيها وين
فرش كرطونة تحت le pont و ثما كان حزين
زيرو دينار فالجيب و البرد ما كان حنين
[اللازمة]
راني مباسي، SDF
وين نحط راسي، SDF
حاب نطراسي، SDF SDF SDF SDF SDF

[المقطع الثاني]
بدات الناس تحڤر فيه، هاذو زادولو آلام
يفوتو عليه ڤاع عنقايا، ما يلوحولو سلام
ناس الخير، هذا يمد تريكو، هذا يمد سروال
مي واحد ما يخزر فيه مسكين، توحش الكلام
ثم بدا يهبل بالشوية، ولى يبان موسخ
ولى يحلم ياكل، ماولاش يحلم بدار
ولى يلقط في poubelle المهم حاجة تقنع
ولى m genre لي نسا يهربو منو فـ trottoir
قتلاتو القنطة ولى يحس روحو مختلف
فالأول كانت تغيضو، بالصح بالوقت والف
قبل حياتو هكا ومخو ولى تالف
يفوتو عليه فالطريق هذا ألفين هذا ألف
فاتو عامين وهو فهاذ الحالة فالليل يبكي
حتى لحقت ليلة كانت باردة عليه مسكين
كان مريض، كان يترعد، كان يغيض
كثر عليه الهم وفي حالو ما لقى لمن يشكي
لوكان نقلك بلي قلبو حبس ومات
وانت مغطي في كوات وكان عاجبك الدفى
لوكان نقلك بلي قلبك في سبات
وانت ما سييت الجوع وانت ما سييت لحفى
فالعشرينات ولى يبان شيخ كبير
قادر أي واحد فينا تصرالو الدنيا ما تغركش
هاذ الدنيا ادور صحبي نتا وتحير
وانت تفوت عليه كل يوم رافد راسك ما يهمكش
[اللازمة]
راني مباسي، SDF
وين نحط راسي، SDF
حاب نطراسي، SDF SDF SDF SDF SDF