[الدخلة]
اسمع مليح papi

[المقطع الوحيد]
يما سمحيلي أنا هربت من دارنا sans سمير
اذا شفتيها ظاهريا راه sens pire
درت اللحية و قلعت فالـ champ de tir و قنعت
شفت الفسق و بْلَعت ودركا صوتي سْمَّعت
بدات الحكاية نهار دخلت للجامع وأنا صغير
لتم ديت la base، لتم بديت على الدين نغير
ماما غروني، أنا شفت المجتمع في خطر
قالولي الجنة sûr، قلت نروح بروحي نخاطر
لي داوني ماما كانو ناس يبانو تع تحصين
بانو مالايكة فالصح و هوما موديفياو التفسير
الاول عرفتو فأنترنت، ماقالاتو شابين
السيد جاي مالشام، مسمي روحو أسد الدين
لتم بديت الإسبال، اللحية نطلقت حبال
بروبوزاولي إلا نقبل نروح و عطاني أسباب
قالي الجنة قريبة ليك و أنا نفتحلك الباب
شفت في روحي قلت علاش ما ننصرش الإسلام
برا شفت المنكر ماما كيفاش ما نتغامش
كلام الله لي يعبر والمجتمع لي ما يفهمش
قلتلو كيفاش السبيل، قالي بعتلي les données
فالسيفياو لي فيزا للدوحة، من قطر بعتوني
رفدت الكابة وقلعت، ديزاكتيفيت التخمام
جاني passeport سعودي فيه مكاشيا فيزا لبنان
فالطيارة قلبي مزير، الهبطة في بيروت
قعدنا يوم أنا والخاوة و شقيناها حدود
معايا مروكي و مصري و le guide نتاعنا من باريس
دخلنا سوريا نخممو، ربي راهو علينا حارس
ركبنا فـ bus و لي فيه قاع دايرين اللحية
قالك تروحو لحلَب و تموتو ولّا تحياو
لحقنا لـ à Liban
حطوني نقرا في كلاصة فيها علام التوحيد، لا سبورة لا طلاسة
دخل السيد يخطب و لا علاقة بالدين
بدا يقنع فينا بلي حنايا هوما المجاهدين
داونا يعلمونا نتيرو ماما هاداك لي كان
عطاوني سلاح بـ numéro de série américain
جابولنا نساء، قالولنا هاكو جهاد النكاح
ماما كنت خايف، هادو و الله ما قنعوني ڤاع
قالك تهبط للـ terrain، تسيي فالناس لي ارتدو
عطاني موس بيدو، قالي كبَّر و شدّو
جابولنا 3 رجال، قالولنا هادو كفار
مبروك عليكم اليوم راح تاخدولنا بالثأر
السيد كان مكسّل الدمعة في عينو مكبّل
يخمم في ولادو لي مخليهم، خايف راح يتقتل
فالأول غاضني و جيت رايح باش n'intervené
خفت يشكو في إيماني، أنا لي يقتلوني
شدّيت الموس و راسو، ذكرت ربي و الرسول
غرق في دمو و أنا نجوز فيه الموس لحاصول
ماما كي ذبحت الأول مور ما قالولي مُرتد
بصح كيفاش و أنا لي سمعتو بوذني كان يشهد
ما رقدتش ليلة و لا زوج، أُمبعد رفدت الصنعة
وليت نفني فيهم عادي، ما تغيضنيش الدمعة
سماوني أبو مصعب و لتم ديت السمعة
وليت شوية معروف و لتم زوجولي ربعة
هبطت للـ champ de tir، شاد سلاحي و نكبّر
قابلت الموت و البير لي نلقاه نكفر
في وسط ديار رايبين و جابادور مغبر
و ما كوناش خايفين خلاص القلب تعمر
قتلت كبير و صغير، normalement ما نرتاحش
حبيت sens pire، حنايا لي سماونا داعش
شحال من واحد مصغر كان معايا و طرطرق روحو
مور ما قالولو حنا كي نموتو لحور العين نروحو
ماما كانو غالطين و ڤاع يعرفو هاد الحكاية
حتى أمير المؤمنين قادر يديلي نسايا
بعتوني خطرة نجيب تمويل و حسيت روحي غريب
لي عطالي السلاح و الدراهم، كان في يدو موشم صليب
وليت لحلب، قالك يحتاجوك في دير الزور
مع الكتيبة رحنا و دمي كان سخون يفور
لحقنا لتم لقينا رصاص و العدة و العتاد
قالك ناطاكو حزب الله مع قوات الأسد
ماما كي زدمنا أنا كنت مع الصفوف الأولى
و فبالي حنايا لي راح نبنو، راح نديرو دولة
ماما تيراو عليا و راني طايح بين الأنقاض
راني نسجلك هاد الحكاية و ما لقيتش الألفاظ
ماما وقيل نموت و ماكانش لي يسمع بيا
علاش غير درك لي تحلبت بلي لعبو بيا
انا لي كنت bad، شفت بعيني و كنت نكذب
قالولنا الموت تجيكم ساهلة علاش راني نتعذب