تشب .. ياه ... سمع مليح

كل يوم نموت خمس خطرات، فراسي شحال من حاجة تقتل
أصلا كي نراطي خمسة مالصلاة، تسرالي كتافي ليسر يثقل
من زهو الدنيا يدي مولاه، ينسى بلي آخرتها في كفن
كي يكون طبيب وملقاش دواه، تعرف بلي في صدرو يسكن
هوما لي حبونا نكونو هاكا، وما سجدوش لسيدنا أدم
هما لي ردونا للعدم، هلكونا صحاب العين والهرم
وقتاش نتهنا من هاد الهم، لوقتاش العين تشوف وتحكم
وعلاش نخبي فمي عالناس، وعلاش في رقادي نبقا نفطن
فالليل نبات فاتح العين، هادوك يبقاو يدورو بيا
ياك سياستنا حنايا بالدين، بوعين ماشي الديمقراطية
لوكان كل مولا حق ينالو، مكاش فالناس لي يتمسكن
لوكان كل سارق سار فحالو، لوكان بدراهم نديرو جبل
رانا ولفنا نديرو الفالطات، فالكور نتاعك زارع السم
مفهمتش كيفاه لافوت صرات، تلقاها فحجرك سيحت الدم
قدامك فاسقة بروح الشيطان، فدار باباها طايحة تحشم
رايح لدارك ونتا فرحان، بميات جلدة عليك تحكم
متزيدش تزطل كي يجي باباك، مدام مخفتش تضياق القبر
كي توقف قدام شيخ باباك، قولو ربيتني باش تحصل
شحال من قارو يفنا فالنهار، شحال محكاية تفنا ثم ثم
شحال من واحد قابل العار، لريام لي فدارو خارجة تشكم
خويا السكران وما نسى دارو، كيفاش نسيت لي خلقك قبل
راك بين المارطو وبين المسمار، تستنى الضربة لي تجي تقتل
صوتك لي رفدتو على الوالدين، فجهنم ترفدو مالعذاب
لسان خطاء يكثر الكذب، الملايكة راح تبقى تكتب
راك تحصر روحك خويا مالك؟ تحصل معا لي عصرلك العنب
ولي كسات روحها بالشبوكي، كي لحوتة كاسية عارية تفتن
مالعين لحمها راه تشقق، كل واحد فطعامو راه يفتل
سيي متشوفش فيها صاحبي، متخليش شهوة تقتل القلب
إذا ناداتك ليها تعطيها، يناديك ربي تلعبها طرش
شحال مصلاة لي راك تراطيها، تشوف الجامع ماليه الزش
من نهار تلفتلي طريق الجامع، تلفتلي معاها طريق الراحة
نهار تفطن تلقى عليك البيطون، تعرف بلي الدنيا غير ساعة
وين راهم دراهمك وناسك، غير فعلك يقضي يوم الساعة
لا كليت الحرام مراكش سالك، ياك أدم كالي غير تفاحة
لي هدر فالناس راح يقابلهم، لي كلى يتيم يريب دارو
لي قتل الناس وكان ضالمهم، راح يرفدهم فوق ضهرو
كي تسقسي لي دايرها كحلة، يكون جوابو ربي رحيم
كل يوم يقول التوبة غدوة، خلى ليسبوار يديه للجحيم
ولقى روحو في قبرو وحيد، وتلفلو الجواب كي سقساوه
ضاق القبر عليه وشدوه، ثم عرف بلي ذنوبو جاوه
مام صحابو لي كانو حزنو، طيحو زوج دمعات ونساوه
كملت الحياة بلا ما يحضر، رماو تراب وخلاوه
راح نبقى نغلط كيفي كيفك، مكاش فينا لي مصفي كتابو
مي نصحتك بلاك تكون خير مني، قبل ما نرفدو فالتابوت