كانت تمشي و اتيراك صوت طالوا
نتا قاعد فحومة وعينيك لفخذها مالوا
بانتلك عليها وكان فيدك ڨاروا ،طفيتوا
ختي معليش دقيقة محتاجين némerou
بدات تثقل
ونتا قوالبك ميحفاوش
مخرج même لي ركبوا ف Audi وطاحوها ميشفاوش
بشويّة تحراش
قالك ok عيطلي
ونتا حافظ داك لكود
راح تعيط نص ليل
مهم allô
هدرة تجيب هدرة تدي
ونتا بديت طيح polo
هي تامن وتعدي
وهدرة حلاة ،هي بدات تخمم فيك
ونتا تهدر بتخوبيث ، تقيس الحمة و طفي
قطعة دسارة و مبقيتش تعيط بزاف
Haka بديت teprovoquer
هي لتم بدات تخاف
عيطتلك هي ، باين طاحت فشبكة
هي قاتلك نتلقاوا ،ثم لقيتلها سكة
نهار سبت صباح
بدات تماكيي
و طفلة فتحة لخزانة
و فالوان تماريي
جاتك لبعيد خافت عين المعرفة ونتا تشكل لقوالب وهي عجبتها الصفة

خفيفة ظريفة وطفلة طاحت معاك ونتيا تشوف فيها جيفة وهي تعرف غير تضحك

مشالك لكود ملي وليتوا تتلقاو ونتاعجباتك لحنانة وتستنى طيحها كاو...

فاتو يمات ونتا كرهت من لاروتين علاش مين تتلاقا بيها تبقى تشدك ماليدين

وكيما كان لحال ترنديفا بنهار الاحد ونتا عندك كركتار ما تبوس وحدة مالخد

عندك ما درت وصرت تلعب فالركابي وهي شخصيتها ضعيفة و نتا تحوس على ثقابي

ممنبعد نتا تعض فشوارب ورقبة تخبي ، عجبها لحال monde hbal

أيا نعاودها bébé ...

ولفتلها ومنبعد لقيتلها سبة وزدت كوبيت لي contacteوهي بيها لمحبة

.. بقات تعيط ونتا مشي حاب تهدر وكي رفدت عليها خطرة قولتلها روحي لدار

جايا تمشي وبيها لوحش ولحنانة ونتا في هداك نهار حسبت شحال فيها من خانة

شيطان زدم ثم بدى يلعب لعبو غير دخل من باب الدار لقاكوم ديجا تلعبوا

وي...تفاهمتوا خرجت فرحانة من دار ونتا داير سيجارة كاره نادم على لي صار
نتا تكره فيها و هي زادت لمحبة ونتا كل يوم تحطمها وتزيد تلقالها سبة

توحشتPaiN وعيطلك هاد المرة ثم كانت تترعد وشاداري تحت الصرة

عطيتها direct ورحت بلا ما تخمم ‏Mais هاد المرة كاين غلطة كبيرة سيحتلها الدم

مولي نادم وتبقى تعاود فيهاوطفلة سمحت في لحمها وفي وصيات ولديها

كملتوا فيها كملتوا اللعب الخطير حتى قاتلك وحد النهار ما جونيش المأساطير

خفت نتيا وقطعت عليها الهدرة باقي تعمر وتخمم كيفاش دير هادي الخطرة

بعدوا ليراقل و فالتوالات دارت Test لقات وليدك للداخل و غاضها منك Juste

جاتك تمشي وفي يدها LYCOGHRAVPHIL تبكي تستنا فيك ونتا مازالك طافي

مايفيدك والوا الطفلة راهي فثلث شهر بقيت تحوس جينيكوا لي يخدم خدمة ملور

الموهيم لقيتوا ،ديتها ليه وقعدت تقول يا جيبي قالك تموت الطفلة

لوكان تطيحوا لبيبي

خرجت تبكي وتعنق ونتا حاب تقتلها

براج دمك يفور وهي زادتلها الدمعة جايا للعين ونتا صابر بالعها
خايف جيبلك زروقة لوكان تربحلها مولي لدارك تمشي و لمورال تسحب فيه

كي يسمع شيخ باباك واش من قول لي تقابل بيه

فاتوا يمات مكانش طريق للنسيان صاي الطفلة فاقولها و انتفاخ بدى يبان

خممت تدمرها بصح كاين ADN وطفل تقدر تخليه غير إذا مكونتش إنسان

زیروها فدار و قالت بلي نتا باباه صاي الغلطة درتوها وراك معاها إنتبه

واقف فالبارة الوالدة موراك تبكي لحمك يبدى يتنمل كل ما المحامي يحكي

لمن تشكي كي ضربوك ب 3 سنين سجين

لمن تحكي بلي سيلونات عليك باردين