[المقطع الأول]
أصوات كتير حلوة لكن دماغ مافيش
بيغنوا ويطربوا لكن معاني ما تلاقيش
نجوم بعيد عنك بتقولك إزاي تعيش
مأساتك سبوبة بياكلوا منها عيش
اللي يقولك إحلم إتفائل ده بكرة أحلى
إوعى في يوم تسلم، كمل بسيطة سهلة
إنت جامد، إنت تقدر، دنيا حلوة، عبي غنوة
Views إعمل فلوس، إعمل
إحلم وطرمخ ع الكابوس
بيبعولك الهوا
بيحطوا السم في الدوا
إنت وحيد، هما سوا
نجوم بعيد في السما
باصين عليك من فوق
جعانين شهرة فلوس وضوء
يدولك مليون أمارة وإنت تاخد بالذوق
يديلك مليون أمارة وحلول كل المشاكل
يرمولك طعم في صنارة، تاكل تتشد تتاكل
فوق أغنية أو إعلان التوجه يا صاحبي عام
ويفوت ستين عام والعمر يجري قوام
يفضلوا يقولوا بكرة أحلى
طب يا أخي يا أخي أحلى
ليه زعلان؟

[اللازمة]
كان لك معايا أجمل حكاية في العمر كله
كان لك معايا أجمل حكاية في العمر كله
كان كان كان لك، كان لك
كان كان كان لك، كان لك
كان كان كان لك، كان لك
في العمر كله
كان كان كان لك، كان لك
كان كان كان لك، كان لك
كان كان كان لك، كان لك
في العمر كله
[المقطع الثاني]
الأمل في بُقهم زي اللبانة
كل حاجة إشتغالة والحقيقة بقت رزالة
عاوزينك دايماً سجين وعقلك هو الزنزانة
زيهم زي الدبانة شغالين زن زن زن
صحوك من أحلى نومة فوق يلا إحلم
إوعاك تفكر أو تهتم، ما تزودهاش إتلم
إفهم خليك متفائل وبلاش غم
حياتك البائسة بالنسبالهم غذا
بياكلوا في أحلامك الجريئة المتحمسة
إنت لقمة إتاكل وإنت ساكت، للمعرفة اللقمة
عشان تنجح لازم تبقى ساقط، فنك يبقى هابط
صوتك يبقى خافت أو مش مسموع

[اللازمة]
كان لك معايا أجمل حكاية في العمر كله
كان لك معايا أجمل حكاية في العمر كله
كان كان كان لك، كان لك
كان كان كان لك، كان لك
كان كان كان لك، كان لك
في العمر كله
كان كان كان لك، كان لك
كان كان كان لك، كان لك
كان كان كان لك، كان لك
في العمر كله
[المقطع الثالث]
مهما ترسم ع الحيطان ألف باب
لسة الحيطان حيطان والرسمة باب كداب
مهما تفرش طريق آخره لامع بالأضواء
يفيد بإيه النور لما يكون سراب؟
يكتبوا على قبرك كان راجل طيب
عاش ومات من سكات

[النهاية]
سنين ومرت زي الثواني في حبك إنت
سنين ومرت زي الثواني في حبك إنت