[كلمات وأنا مع نفسي قاعد - كايروكي]

[المقطع الأول]
زى الشجر
بروح وباجي مع الهوا
ومهما أروح بعيد
لسه في مكاني هنا
مافيش عينين عشان أشوف
على جنب أنا محدوف
وحداني بكلم خيالي
لكنه فاهم كلامي

[اللازمة]
وأنا مع نفسي قاعد
أنا مع نفسي قاعد
في مكاني هنا
في مكاني هنا

[المقطع الثاني]
فهمت حاجات كتير
بقيت أشوف الخير
مزيكة العصافير
توحشني وسط الليل
أصحابي ورد وشجر
فوقيا شمس وقمر
بستنى يجي المطر
يغسل فروعي ويسد جوعي
[اللازمة]
وأنا مع نفسي قاعد
أنا مع نفسي قاعد
في مكاني هنا
في مكاني هنا

[المقطع الثالث]
يجي الخريف الكئيب
أستنى الربيع والألوان
وأقول لنفسي مش بعيد
دا الصيف هينور المكان
فقولت أحس وأتأمل
يمكن في يوم أتعلم

[اللازمة]
وأنا مع نفسي قاعد
أنا مع نفسي قاعد
في مكاني هنا
في مكاني هنا
في مكاني هنا