[اللازمة]
يا ليل يا قريب ، لينا حبيب في التغريب
الإحساس مدينه ، والأوطان اساليب
وإن بليتوا ، سأستفيض
عن ما بداخلي وابكي ، إشتياق لتغريبى

[المقطع الأول]
اوو ، عـ الاوجاع بنرقص اسلو
مبقيناش عارفين مين معانا ومين عدو
كل يوم نفس الحال ، واللي اتقال لسه بيتقال
فارقنا اصحاب كتير يا خال منهم محابيس منهم اموات
عهد مين عصر مين ، مين واخد في حجره مين
مش حاسين بالفرق في حاجة احنا بالحرف مشتتين
عايشين نخاف وبس , مبنعملش غير كده
ناس مستسلمه ، ناس متهدده ، ناس متسلمه
ناس كبش فدي ، ناس عندها العذاب موهبه
ماشي وراضي بكل ما اصابني
لكن ما اصابني مش راضي بي
انا اللي اصابني البلد
انا ولد شال الحمل من يوم ما اتولد
عايشين علشان ندافع عن نفسنا
طالما مش منهم مش هيدافعو عننا
بيعملوا سور بينا وبينهم لإن احنا غيرهم
ومناخيرهم مرفوعه في وشنا
يومي غير يومه ، هو شايف انه روميو
انا يومي جوة الشوارع عايش مع الشباب هنا اهو
هو ، لابس البدله ، ماسك حديده من غير خزنه
ماشي يعيش علي خلق الله ، كإنه عليوه وكلابو معاه
خليك فاكر اوعي تنسي ، احنا الاتنين قبل الخمسة
معروف بعد ما تيجي نكسه ، عالعكس هناك تيجي نكسه
[اللازمة]
يا ليل يا قريب ، لينا حبيب في التغريب
الإحساس مدينه ، والأوطان اساليب
وإن بليتوا ، سأستفيض
عن ما بداخلي وابكي ، إشتياق لتغريبى

[المقطع الثاني]
كلب بلاك جاك علي المحطة ، وبلاك مان علي باب المترو
حسان لو سافر بالشنطه ممكن ياخدو الشنطه بكتفه
مبقاش فيه موده ولا صحبه ، مع إننا من نفس الدفعه
طالعين علي فين يا شباب مجانين اقعدوا النهارده الجمعه
عايشين باليوم ، زي الكارتون ، سحل وتغفيل بالكوم
لو كنت حيلتها ، اركن علشان ، البطولة مش محتاجه فرفور
ليه ياحبي فاكرين ، انكم انتوا بس اللي بني أدمين
ماحنا اهو عايشين مولعينها جرب وادلق بنزين
بنعيش ساكتين خايفين من العالم
ونعيش مابينا ساكتين خايفين من نفسنا
الخوف لو يوم هيكون بنى أدم
هيعيش طول اليوم مستغربلنا
الناس يابن عمي شايفين التلفزيون وردي
جرب تيجي هنا عندي ، هتقول ازاي عايش بيغني
الناس هنا اموات مش عايشين ، شغال بيوميه عشان نيكوتين
ده بنزين لو شم النار بتقرب منه هتلاقي تفجير
طلع وقال ، يا حلو بص ، هيروق الحال ، استني بس
استنيت لقيت ، بيدق باب البيت
ادفع كتير عشان ، الرسوم غليت
والفلوس طفشت ، والعقول وقعت ، تربتت تت
[اللازمة]
يا ليل يا قريب ، لينا حبيب في التغريب
الإحساس مدينه ، والأوطان اساليب
وإن بليتوا ، سأستفيض
عن ما بداخلي وابكي ، إشتياق لتغريبى

[المقطع الثالث]
في بلادي بفلوسك تكسب الفورة
يركن الحريف عشان صاحب الكوره
عايش علي ضوء القمر ، يخلص سفر يبدأ سفر
اشطة يابا ، في النقابة ، عايزين يتغابوا نتغابا
في الاعلام ، كارهينا عشان
طالعين من الشارع وسط الغلابه
مسكونا عملونا ليهم متاريس
خلونا عايشين زي المخاريس
تنطق تلبس يابو سعر رخيص
حتي الافكار بيجيلها بوليس
اهلنا حاسين بالقهر ، واحنا ضايعين بلا فخر
يصك بابه ، خوف من عتابه
ويسيب كلابه ، تملانا شر
حديد مربع في نصه ازاز
حادف حوالي عشرين نسناس
كل ما فيهم ودن بتسمع ، و لسانهم ينقل للناس
حرية لا ترضي البال ، مقايد من غير اقفال
اجيال ورا اجيال ، رايحين علي ظلام الحال
الحال كل يوم بيسوء ، راكبين ومازال بيسوق
مطاريد هنا ، مظاليم هنا ، وضحايا وميغا وسوق
يا صديقي افهمني من فضلك ، هديلك الفكرة وقيم بعقلك
راكبها الجراد ، تورتايه واحده وعندهم كل يوم عيد ميلاد
[اللازمة]
يا ليل يا قريب ، لينا حبيب في التغريب
الإحساس مدينه ، والأوطان اساليب
وإن بليتوا ، سأستفيض
عن ما بداخلي وابكي ، إشتياق لتغريبى