[المقطع الأول]
أختنا العزيزة الحكومة متشكرين
لأحترامك للمواطن وأهتمامك العظيم
الدنيا مية مية، شكرا للداخلية
شكرا للوزارة وشكرا للسيسي العظيم
اشكريه على النجاح، قوليلوا تحيا على الفلاح
شكرا على القضاء على الإرهاب وعلى السلاح
حسسية بالإرتياح اللي إحنا بقينا فيه
اشكريه، واسالية ، يا تري من غيره هنعمل إيه؟
اشكريه على السياسة اللي ظهرت من غير ميعاد
اشكرية ع الرقاصات اللي بيمثلوا البلاد
اشكريه على المزاد، اللي بيبيع الفساد
اشكريه على المحاكم اللي بتشرد ولاد
وعلي السجون اللي مصروف عليها ملاين
إصلاح وتهذيب للناس المسنين
اشكريه على القناة الجديدة وعلى المليارات
اشكريه على الامهات اللي محبوسين غرامات
هو اللي هيعدي بينا أي محنة صعبة
هو المنطق اللي ماشي على الصراط المستقيم
قوليلوا بإسم اليهود وبإسم المسيحين
إنت أكتر واحد ينفع يبقي إمام المسلمين

[اللازمة]
لو مصر بتفرح ليه، أنا زعلان مش مبسوط
أنا عارف إنها كدبة، ياللا الكدبة تفوت ولا حد يموت
هل ممكن أكون غلطان، أو جاهل مش فهمان
لو جاهل العيب منهم، طالما عايزنا نعيش على طول في سكوت
[المقطع الثاني]
يا سعادة الباشا انا عارف إحنا المفروض منتكلمش
وعارف إنك ماشي على الأشواك ومابتخافش
بس عايز أقولك، كتر خيرك ريح نفسك
متتعبش عشانا إحنا أصلا منستاهلش
شايل ألف هم، وإحنا غم فوق الهم
كل يوم شهداء ودم، ودماغك مش ناقصه وش
هتجيب الوقت منين، كل يوم هتقول معلش
لا ميصحش، إحنا منستاهلش، أسفين
اقفل الميادين، مفيش حرية قرار
إحنا مش بتوع ديمقراطية ولا بتوع حوار
إحنا مش زيكوا، إحنا مجرد شعار
ولا بنسئ ولا بنصيب ولا بإدينا الاختيار
لو قولنا كلمة تضايقك، أسفين اكيد هزار
كفاية علينا الأمان حتى لو الأمان مرار
أصل إحنا شعب قاصر مش بإيدينا المصير
لو الكل اختار فرزدق يبقي اللي هيكسب جرير
ممكن يكون الأمر شورى، في إتحاد الكرة
لكن لما يكون الأمر كبير أضرب بإيد من حديد
ياشعب هتنسى نفسك ولا إيه يا شعب عبيط
هتتحاكم بتهمة إنك عايز تستفيد

[اللازمة]
لو مصر بتفرح ليه، أنا زعلان مش مبسوط
أنا عارف إنها كدبة، ياللا الكدبة تفوت ولا حد يموت
هل ممكن أكون غلطان، أو جاهل مش فهمان
لو جاهل العيب منهم، طالما عايزنا نعيش على طول في سكوت
[المقطع الثالث]
الدنيا ماشية إزاي؟ الدنيا ماشية صح
مش مهم التفاصيل البية مش فاضي يشرح
بس فيه قناة سويس جديدة ومصر بتفرح
هنا تغمي عينك وتمسك الطبلة تنجح
لا يصح إلا الصحيح وإنتوا الصح بعينه
واللي يعترض السجون مستنياه
لكن اللي جاي من بره، ادخلوها آمنين
الخدمة سياحي فاخر طول ما باسبوروا معاه
شكرا على قفل البرامج ومحو كلمة ائتلاف
شكرا ع العنصرية وعلى الخوف من الأختلاف
شكرا على الوعود وإن مش هيبقي فيه بطالة
شكرا ع المساواة وكل الشهادات عمالة
خلي المناصب اللي فوق محفوظة لناسها أحلي
مش لولاد عامل النظافة ولاد الزند أولي
والأغنية دي محاولة، لشكر البهوات
يوسف جوكر بيقولكوا أحلي مسا على الخواجات

[اللازمة]
لو مصر بتفرح ليه، أنا زعلان مش مبسوط
أنا عارف إنها كدبة، ياللا الكدبة تفوت ولا حد يموت
هل ممكن أكون غلطان، أو جاهل مش فهمان
لو جاهل العيب منهم، طالما عايزنا نعيش على طول في سكوت