[المقطع الأول]
إحنا بننحت في الصخر وإيدينا ما توجعناش
وبنمشي في عز الشمس والشمس ما تلسعناش
وإحنا لو قولنا يا جري ضلنا ما يحصلناش
عومان عدينا البحر والبحر ما غرقناش
الخوف ما يخوفناش فبلاش تناطحنا بلاش
بنقفل عداد من غير ما نقلب نور ولا ندي فلاش
(إبلع)

[اللازمة]
ع الدوغري وكفاءة سايقين الدنيا سواقة
وبنجري وما بنهداش
ع الدوغري وكفاءة سايقين الدنيا سواقة
لو إيه ما يعطلناش

[المقطع الثاني]
إحنا التقال في مجالنا وفي مكاننا
لينا شنة ورنة وإختصاص
سكتنا عدلة وسالكة وفيها بركة
جامدين قوي وضد الرصاص
نبصم ونمشي وما نتنسخشي
فوق ما تقاوحشي ويا الكبار
سمعتنا نمرة أولى وآخر رجولة
كراسينا ملك ومش إيجار

[اللازمة]
ع الدوغري وكفاءة سايقين الدنيا سواقة
وبنجري وما بنهداش
ع الدوغري وكفاءة سايقين الدنيا سواقة
لو إيه ما يعطلناش
[المقطع الثالث]
إحنا أسامي كبيرة وإنتوا عيرة
مالكوش ما بينا سيرة يا أقذام
إنتوا نسيتوا إنتوا مين
إنصاص ومتساقين
وإحنا اللي في إيدينا اللجام
ندخل خناقة آخر جراءة
جوة البطاقة مكتوب أسود
سكاكينا حامية نار بتجري أي فار
كلمتنا أتقل من العقود

[اللازمة]
ع الدوغري وكفاءة سايقين الدنيا سواقة
وبنجري وما بنهداش
ع الدوغري وكفاءة سايقين الدنيا، الدنيا
لو إيه ما يعطلناش