[المقدمة]
آه، ضربة جزاء
أربع إنتصارات، إتناشر من إتناشر
ليس هذا فقط ولكن سجل التعادلات خيالي
سجل الخسارة خالي
مروان مروان، يا ولد يا مروان
لو مش مارو يبقى خارج نطاق الخدمة

{المقطع الاول}
قربت منها سيكا، قُلت جملة شيك
(إمسكي) زعلت مني، جبت تلات تفاحات من بورسعيد
قلبي ميت، مرحوم إدفنوه
في جنينة الحيمومات حطيت أفيون للأسود
فمش هقول أمنياتي للجني، خلاص ده وعد مني
نفسي بس في ساعة سويسري مصنوعة من معدن هندي
مفصول في أوضة الإنتظار واللي جنبي بترغي
(مين؟) بسمع الهضبة وهي بتسمع بوتشيلي
(مشيت) فخدت حماري ومشيت
وخدت كليوباترا بار ورا البيت
"بتقولي "أنا عايزة إنفصال مش كوكتيل
طب عليّا الطلاق إتخضيت
كهربت الجو بنظرة ڤولتات، عينيّا شاحن
برنس في المزيكا منذ ١٩٠١
إيه يا ساحر؟ ريحة الأرنب في البورنيطة فاحت
دماغي جابت وش سليندر فالشخصية ساحت
إنسى غيرك، الكذب خيبة
والطول حتى لو بتشب هيبة
"قُلتلها "دوبي في الهوا ماليش في الكتمة
طب ليه تقارنيهم بالمستر؟ مافيش معادلة
هاتهم بالحب لو ماجوش بالضرب
كنا هنتصالح بس ما وافقوش ع الشرط
إديتلك أصفر رغم إن المفروض كان طرد
إنتو حرين، إدوا بعض بالجزمة ومبروك ع الأرض
[اللازمة]
مافيش داعي
أحكي عن كل اللي شاغل البال
ماليش، مش مطلوب أكون حقاني
عشان كل ما أقول الحق بيتحداني
وآديني آهو بعلّم نفسي الكذب تاني

[المقطع الثاني]
إبتديت أتبسط، رجعوني من الأجازة
في المكتب بأزهق فبتفرج على روبي في الخباسة
سخنت، قلعت تشيرتي فرموني في التلاجة
غرقت بالغلط وأنا بأشرب لمون من الإزازة
(أيوه) البنت بارزة برة الدايرة زي ‫Opel
(ووه) أُعجبت بيكي وبعد الفحص شايفك ‫Model
(ووه) بنجز في شغلي، أسرع من آريين روبن
وحتى الآن لم أحصل على جايزة نوبل
(تعالي) جت بالصدفة، شفت وردة أقطفها
"أظرفها ‫Like وأكتبلها "بجد لُقطة
بالنسبالي الكراش ستافدت كراست أو شوت ويسكي
"كانت طالبة مني شوكولاتة، قُلتلها "إتوكسي
"المخرج قالي "إيه اللي إنت لابسه ده اللي مش من سنك؟
فحلقت شلبي مع مدحت، بالصدفة شفت منة
يا نهار أبيض، وقف بينّا، طب خُش سِنّة
(نيو) خليته يسيبنا، ركبنا الڤيرنا وللصبح سهرنا
(مواه) بُست الأميرة، طولت لساني
بقيت ضفدع، مش هستخدم ‫Tinder تاني
يا ريتك كنت إخترت كرامتك
ما قدرش يمسك نفسه، كَل الطَرْب في المطبخ
بَدِّلْ بدلة ببطة، عشان سيء في إدارة الصفقة
تعمل نفسك ‫Fighter؟ سايبك في الحرب بتتشقلط
مهماً تدي نظرة شر في بطاقتك
عمرك يا أسطى ما إتخطيت مرحلة المراهقة
[اللازمة]
مافيش داعي
أحكي عن كل اللي شاغل البال
ماليش، مش مطلوب أكون حقاني
عشان كل ما أقول الحق بيتحداني
وآديني آهو بعلّم نفسي الكذب تاني

[فاصل]
متدربين عليها، متدربين عليها
خطة لعب مش بالصدفة، خطة لعب
كان لاعب رمية التماس على مروان
مروان يتزحلق للخلف
ينطلق بقى أي لاعب من الخلف للأمام

[المقطع الثالث]
‫Logo باتمان على توكة الحزام
حبيبي سرحان في صورتك من زمان
إمضيلي، أنا فان
وهاتيلي تعبان
وإقليلي بتنجان
(إيه كمان؟)
وإقريلي الفنجان
في تركمانستان
(تمام)
بُقين على سيراميك
طب لوكيني لما بأسبيك
يا إبني كفاية رغي، صدعت والناس إتهرت
وش في وش وضهر دي كتابة ملك
"المشرف قالي "ترفع إيدك هآكلك بسناني
فرفعت صباع ديناميت، نط من الدور التاني
ولعت فيهم بالأغاني، جبهة نار
أيوة مارو نُص ألماني وده إستعمار
ما زالت محاولات الخصم منخفضة
(يالهوي) مش بنختلط، هجهضك زي بنت مرتبطة
إنتَ صفر بكرهك، بالقسط أوضبك
دايرة إصحابك، هحطك في الوسط وأنتقدك
جريمة قتل والأداة مش طلقة، ده سيخ
شكلي كدة هطلب بقى، مش طالبة طبيخ
بص ماك أنا معاك أو ‫Take away من تِكّا
رابر لسه طري زي البيتزا وهي بتسخن
إنش جه، إنشراح، مش مطلوب أي اقتراح
أحب أقدم لكم مشروع اللي جاية جراح
آخذت قطمة فينو وحطيت نضارتي ع الكومودينو
الڤيرس خلص، مفعول الحباية راح
[اللازمة]
مافيش داعي
أحكي عن كل اللي شاغل البال
ماليش، مش مطلوب أكون حقاني
عشان كل ما أقول الحق بيتحداني
وآديني آهو بعلّم نفسي الكذب

[الخاتمة]
آه، مارو
٢٠١٧
حد فاكر الحوار ده؟ حد فاكر الموضوع؟
يعني كان من عشر سنين مثلاً في أي تراك راب كان، كنت
كنت بتسيب البيت يجري كده في الآخر وإنتَ بتنَسي بقى
..بتقعد تتكلم، تقعد تمسي بقى على الـ.. على أي حد أو بتـ
مم إنتَ وقفت ولا إيه؟
تمام لأ أنا فاكرك أنا.. ده إنتَ شايفني بتكلم
خلاص قشطة يا عم عادي عادي بيس، عادي ولا يهمك