Marwan Moussa - مروان موسى
El Ghaba - الغابة
[المقطع الأول: عباسكيات ومروان موسى]
صباح الخير، ده مش راديو الإذاعة
أنا المستر الجديد ومش برجو الإستماع
أدي الدرس في السريع وأكت في تلت ساعة
السرعة تغلب القوة والحكمة تغلب الشجاعة
(قشطة)
مع الأسود علموني أبقى ملك
وفي قعدة الأفاعي علموني أحترس
صقر في الصخور وقاعد مندمج
الغابة ليا نادي وأنا عضو مشترك
بتطمن على مخي لقيته رايح راجع
ضيق واسع، عاقل لاسع، سخن ساقع
قايم واقع، فرق شاسع
متناقض فقلبي أسود فاقع
الغريبة إن دي لحظات التفكير
أعيد وأزيد في اللقطات والتحليل
حوار مع النفس زي شخصين مختلفين
وفي آخر الموضوع يطلعوا الإتنين مستفيدين
مواقفي ثابتة فمش بتهز
أعيش في أحلامي ومعيش في الوهم
فاضلي شرطة ومش بقطع شحن
أطلع ألماظات تحت الضغط زي الفحم
إبعد عني يبعد عنك الأذى يا إبني
جواك معبي زبالة زي المكنسة يا إبني
إجابة عندي ما ليش في الفلسفة يا إبني
في الفكرة ببني جوة دماغي، دي هندسة يا إبني
قلبت الدنيا فبمشي ع السقف
ورايا مسؤولية فهمشي ع السبت
كلامي سكاكين عشان أقطع الشك
ورابط ساعتي بالجنزير، ما أضيعش وقت
[اللازمة: مروان موسى]
إزاي تعبر عن فكرة لو مش موجودة
طب ترضى تعمل الخدمة لو مش مردودة
إوعاك تاخذها ع الصدر، دي مش مقصودة
فك شوية، إفرد بوزك
النهاردة لاحظت إن إللي سابني ده إللي فادني
إمبارح حسيت إنه لا ودّى ولا جابني
ساعات بحس إني لا بكتب ولا بهري
ساعات بحس إني بجري ورا نفسي
[المقطع الثاني: مروان موسى]
عارف لما تفضفض فتحس إنك بتمثل
وفي الآخر تختار السكوت بقى وتستسهل
بحكي مع شخص واحد بكون درسته
مع العلم إنه صعب يحس إللي أنا كنت حاسه
هقولك ليه فعلاً فيه فرق شاسع بينا
مخك ما ودّاكش في حتة إن الناس تحترمك
لو كفاءة إزاي قدرت تقولي جبت آخرك
صاحبك بجد يعلمك تحب نفسك
فبطلت أعاملك حلو، دايمًا مستنيلي الغلطة
مش عايز أعرفك، إنت عمر ما تداريني ستارتك
حبيبك مش مستني كل يوم دليل شطارتك
وتحسه دايمًا معاك كإن بترميه في الشنطة
دست Start
شفت إخواتي بُست الأرض
سبتها بشياكة، شفت الـ Post وإنبهرت
"بتقول "بصوا! أنا إنقهرت
من يوميها أنا إتعلمت
زعل الولد مش زي أما تزعل بنت
مخنوق بس أكيد مش هفتح الموضوع
ديتي في يوم أبقى قاعد جنبك في المتحف ملطوع
ما بنتحركش بس باصين لبعض
عينك بتقول إنك أخيرًا إقتنعت
لو شلته على راسك مش هيعرق في الطريق
بس لو ما شافش الوسخ مش هيعرف النضيف
لو شلته على راسك مش هيعرق في الطريق
بس لو ما شافش الوسخ مش هيعرف النضيف
مش هيعرف النضيف، مش هيعرف النضيف
ولو ما شافش الوسخ مش هيعرف النضيف
[اللازمة: مروان موسى]
إزاي تعبر عن فكرة لو مش موجودة
طب ترضى تعمل الخدمة لو مش مردودة
إوعاك تاخذها ع الصدر، دي مش مقصودة
فك شوية، إفرد بوزك
النهاردة لاحظت إن إللي سابني ده إللي فادني
إمبارح حسيت إنه لا ودّى ولا جابني
ساعات بحس إني لا بكتب ولا بهري
ساعات بحس إني بجري ورا نفسي
[المقطع الثالث: ناظم]
فوق السحاب، فوق السحاب
ملعون الإكتئاب، طاير وما طايق إللي فات
من غير أسباب، هاجرت الإرتباك
إمشي كلم عمك إنهزام، أنا ما عندي أخلاق
فوق السحاب، فوق السحاب
مربوط بكلمات معكوسة من تخيلات منكوسة
بالعظمة مجنونة
لو فكرت في المعلومة وين الفهم في مفهومك
وين الفهم في مفهومك؟ غرورك جرثومة
مرورك بمراحل عاكسة الصورة كإسطورة
رجوعك إلى ساحل الطفولة المسحورة
بعينك وإنت جاهل عن دروبك في الفزورة
يا أخي ما أنا عارف وشايف الحاصل بين البابين
طول ما أنا واقف على خط الفاصل بين الذاتين
أيوة أنا زائد أنا يبقى إتنين
كل إللي إتبنى هيتهد وشوف هزرع فين
فوق السحاب، أنسى إللي فات
من تهيؤات قديمة، سيب المركب خد سفينة
طافي على السطح وأنا طافي المخ (دقيقة)
أوعى تعدي الخط يا أخي النص بالنص (في المينا)
ألغامي ع السطر يا أخ نط ونط (حريقة)
باتمان تحت القهر ماسك خط الفقر
حلو ومرعند الطلب يا أخي صب وصب
دقيقة، دقيقة
سبتها ليكم، سبتها ليكم
صاحبت النجوم، ماشي بايت في بيتهم
سبتها ليكم، سبتها ليكم
صاحبت النجوم، وإنتو أعملوا إللي عليكم
[اللازمة: مروان موسى]
إزاي تعبر عن فكرة لو مش موجودة
طب ترضى تعمل الخدمة لو مش مردودة
إوعاك تاخذها ع الصدر، دي مش مقصودة
فك شوية، إفرد بوزك
النهاردة لاحظت إن إللي سابني ده إللي فادني
إمبارح حسيت إنه لا ودّى ولا جابني
ساعات بحس إني لا بكتب ولا بهري
ساعات بحس إني بجري ورا نفسي
إزاي تعبر عن فكرة لو مش موجودة
طب ترضى تعمل الخدمة لو مش مردودة
إوعاك تاخذها ع الصدر، دي مش مقصودة
فك شوية، إفرد بوزك
النهاردة لاحظت إن إللي سابني ده إللي فادني
إمبارح حسيت إنه لا ودّى ولا جابني
ساعات بحس إني لا بكتب ولا بهري
ساعات بحس إني بجري ورا نفسي
