[المقطع الاول]
طاروا المخضرمين..طارت الخبرة
لو مش مارو يبقي خارج نطاق الخدمة
محتوي الكون بيني وبين اللاب توب
لأ..قولت بقالك سنة ومفيش تحسن
فانتوم الاوبرا..فأنتوا مش بسمعكوا
ثقب اسود..لابس اسود وانا بودعكوا
حوت..المحيط شربته عايز الي بعده
انا في بعد تاني وانت لسه تحت كعبه
اتلعبت وانا ثابت
اتكعبل وانا واقف
مبحبش الدعابة مع اشكالك
مفيش روح الفكاهة عشان شاكك في ذكائك
كان عايز يمزح ..فمسحت بيه البلاط
صوابعك دبلت من الشك و الافتراض
افترس اغنية واسيب ليكوا البواقي
نفسك تبقي جنبي..كأني محمد حماقي
حماتي تبقي ملكة انجلترا
هنخلي الخطوبة علي حساب الشركة
شهر العسل حسيت انها تنكة
اصل المريخ مش عاجبها فعايزه ترجع

[اللازمة]
قولت لا لا لا لا لا لا لا لا
قولت لأ
مش بسمع المرة دي
لا مش الي في راسي
لا مش الليلة دي
ممكن في الجزء التاني
[المقطع الثاني]
شفت ازاي كذبوا وخلوك تخاف؟
جايين نهدي النفوس يا شباب
جايين نجاوب ع الاسئلة..س و ج
ممكن اجبهالك فص بفص زي الماندرين
زمان كنت اقعد جوه الفصل..هو المان ده مين؟
جربت ابطل اسمع الكلام وكان لذيذ
لاحظت فئة المدير الفني فيا
انت ممكن تيجي وتعملنا مهلبية
اكتم كده واقفل الملف
مباكلش لحمة حمراء باكل دهن بس
دي خريطة العالم
بص فيها..فكر دور
مش هتلاقي التوزيع ده في الشرق الاوسط
مش هتلاقي فريق او حتي مقاومة
بدخل دماغ الفان بالكيف وبعمل فوضي
لو صاحبتي متشيكتش اسبها فورا
لو دي كانت فورة كان زماني كسبت الدورة
لو ده كان ماتش كان زماني بعمل دبل كيك
دي مش جزمة رونالدو الجديدة يا ابني ده موتوسيكل
بيعارضوني منذ ثالثة ابتدائي
هقولك قشطة وبرضه امشي الي في دماغي

[اللازمة]
قولت لا لا لا لا لا لا لا لا
قولت لأ
مش بسمع المرة دي
لا مش الي في راسي
لا مش الليلة دي
ممكن في الجزء التاني