[المقدمة]
‫أيام ما الـ PlayStation كان بيديني بوسة قبل النوم
كنت بفرح باللعبة وأرميها في نفس اليوم
كانت حياتي ماسخة وإنتِ كنتي فص التوم
‫قلتلك لو بينا أسرار هقول Good afternoon
Good afternoon, goodbye, good afternoon
‫لو إتكشفت من الرادار هقول Good afternoon
Good afternoon, goodbye, good afternoon
‫لو إتوقفت في المطار هقول Good afternoon

[المقطع الأول]
قطة بيضة برة بيتي
وقطة سودا جنب صورتك
سلبي نازل أسانسيري
وتشيرتي مرمي ع الكرسي
كاسر عين المراية
آه فاكر لسه الحكاية
في الآخر قولتيلي كفاية
حبيبتي لأ دية جناية
فرجعت كانت سايبالي خدش في طرف المراية
فكل ما أبص في خلقتي بظبط زوايا
ما تبعتيليش على موبايلي رسايل، مبطل قراية
‫عفواً، مارو Offline في الفترة اللي جاية

[اللازمة]
مش عايز أغش زي دييجو
فرجعت بعت اللي إشتريته
عازمكو بس الواجب كان عليكو
أصلي مش فاكر اللي نسيته
معلش أصلي مش فاكر اللي نسيته
مش فاكر اللي نسيته
معلش أصلي مش فاكر اللي نسيته
مش فاكر اللي نسيته!
[بعد اللازمة]
لو فات ميعادي معاكي، آدي القطمية
لو مش عايزها تخلع خبي الزردية
موسم الحزن، عبي النقلة دية
محتاج منديل، قد البطانية

[المقطع الثاني]
ةأيام ما كنت بانجح في الصعب وافشل موادي الخايبة
كنت بنقل الواجب منها غير لو كانت غايبة
إسمك على القايمة، رايح ألغّ الرز مع ملايكة
ولما بصحى كل يوم بلاقي الدنيا مايلة
وبتخانق مع مخدة
دماغي جزمة، ومش مقاسها
الماضي إتكنس بالمقشة
يرجع في الاحلام يلزّق
عادي مش متضايق
القلق في دماغي شايب
سايب نفسي دايخ
عشان مش طايق ريحة السجاير
وسعي من فضلك
زي التعلب بتفكر
فص ملح وداب، فالباب هيتسكر
وهدومي عكس نومي، مش متطبقة
نضارتك مخبية عينك، شكلك متوترة تاني
طب إقفلي الأغاني وناخد الطريق لآخره
مقفلة السنة دي بس إصحابك مش بيذاكروا
شافوا سعرك وشِبطوا
إمبارح شافوا صورتك ضحكوا
ينسوا في ثانية اللي بينكو
فيمتوثانية اللي تحكم
[اللازمة]
مش عايز أغش زي دييجو
فرجعت بعت اللي إشتريته
عازمكو بس الواجب كان عليكو
أصلي مش فاكر اللي نسيته
معلش أصلي مش فاكر اللي نسيته
مش فاكر اللي نسيته
معلش أصلي مش فاكر اللي نسيته
مش فاكر اللي نسيته!

[بعد اللازمة]
لو فات ميعادي معاكي، آدي القطمية
لو مش عايزها تخلع خبي الزردية
موسم الحزن، عبي النقلة دية
محتاج منديل، قد البطانية