[اللازمة]
عزيزي الإنسان
نفسي أموّت الناموسة إللي مش بتخليك تنام
عزيزي الإنسان

[المقطع الأول]
كلامهم عنك غلط، مش لإن كذابين
مش فاهمين، أصل إللي زيك عن جيلهم متقدمين
مش فاهمين إن إللي زيك من تفكيرهم متعذبين
كنت سايق في الضلمة، لقيتك بتتمشى ع اليمين
ركبت جنبي، دي أيام زمان، أنا وإنتَ على الطريق
بالصدفة في اليوم ده كنت قاعد بفكر فيك
كنت في منطقتك، حاسس إني هشوفك
الدنيا خلتنا نتقابل وسط جهنم
جهنم ليك، جنة جديدة ليا
إللي مخليك تتعذب فيها إنها في يوم كانت جنة ليك
بُصلي، ولائي ليك، لازم تتأكد
موبايلي رن تاني، هقفله، مش عايز آتشتت
بمناسبة الكلمة إللي قُلتهالي أول أما ركبت
"إعرف إن إستحالة إني أخونك، إنتَ اخويا"

[قبل اللازمة]
بقالي فترة عايز أعاتبك، شُفتك وإفتكرت
عمري ما هتضايق منك عشان عمرك ما قصرت

[اللازمة]
عزيزي الإنسان
نفسي أموّت الناموسة إللي مش بتخليك تنام
عزيزي الإنسان
[المقطع الثاني]
‫سألتك "إيه الأخبار؟" قُلتلي "مش تمام خالص"
فترة الإكتئاب طوّلت، راحت راحة البال طارت
في آخر فترة قلّ الكلام بينا
ولأسباب تافهة كنت زعلان منك
كلام سريع قبل ما نوصل مكان ما إنتَ رايح
بتوصفلي الطريق وفي نفس الوقت بتديني في نصايح
"كإنك بتقول "إتعود على وجودي قليل
"كإنك بتقول "في شيء هيتغير قريب
طب مدخل دماغك فين؟
دايمًا بتخلي الكلام عليّا ومش عليك
صاحبنا التالت خايف عليك أكتر مني
ولو حصلك حاجة هيتجنن
حاجة حسيتها من غير ما يتكلم
يمكن قليل الناس إللي بيفهموك بجد
وبالأغنية دي مش بحاول أقولك إني منهم

[قبل اللازمة]
كل إللي حصل إني شُفتك وإفتكرت
إني مش متضايق منك، عشان عمرك ما قصرت

[اللازمة]
عزيزي الإنسان
نفسي أموّت الناموسة إللي مش بتخليك تنام
عزيزي الإنسان
[المقطع الثالث]
ليلة غريبة، حبينا نقف ما لقيتش الركنة
عربيات يمين وشمال مدية إنطباع الزحمة
في نص الجملة لقيتك نزلت فجأة
إتفرجت عليك وإنتَ داخل المبنى
"وقُلت "لنفسي يا رب تلاقي إللي إنتَ محتاجه عشان تكمل
"من كام شهر سألتك "ليه دماغي ساعات بتنمل
فاكر ردك، واثق في الإجابة
"قُلت "دماغك لو منملة حاليًا ده إحتياجك
كانوا حوالي إتناشر دقيقة
لما صادفتك في جهنم
ما عرفتش أعبرلك ع إللي داير في دماغي
يمكن أفكاري توصل لو إتقالت في أغاني
جمايلك عليا إستحالة الدنيا تنسّيهالي
إحساسي عنك كان صح ودي الخبرة بتأكدهالي

[قبل اللازمة]
كنت ناسي ولما شُفتك إفتكرت

[اللازمة]
عزيزي الإنسان
موّت الناموسة
مش عايز أطولها
مش عايز أطول
عزيزي الإنسان
موّت الناموسة إللي مش بتخليك تنام