[المقدمة]
لفت بس لفت على الفاضي
العقارب لفت على الفاضي
على الفاضي
كل التعب على الفاضى

[المقطع الأول]
في المدينة نجوم السما مش بتبان
عيني واخدة على الضلمة فـ أنا مش قلقان
إنصحني، إديني وجهة نظرك كمان
بس قول معايا كده هو إنتَ في سنة كام؟
ما بهتمش بالأسباب
رأيك تاخده تحطه هناك
جوة دماغي مُعدات
أنا شركة الإنتاج
ما تخافيش أنا هاجي
لو عايزاني أبقى معاكي
على طول، على طول
الناس دى بتشُك (شُك)
الناس دي مش حُب (حُب)
الناس دي بتلُك (لُك)
الناس دي بتبُق (بُق)
الناس دي لوّش على وداني
الناس دي عايشة في عالم تاني

[قبل اللازمة]
كذا مرة يحاولوا يجوا بيننا
بسمع مش بصدق ولا كلمة
أنا وكل إخواتى هنقسمها
حتى لو جيت هنا لوحدي هقفلها
أربع شهور في قلب الضلمة
أنا وهي في قلب الضلمة
طولنا هنا وكانت غلطة
قالتلي آسفه لو عطلتك
[اللازمة]
كله نفسه في صح زرقا جمب إسمه
كله نفسه تسيب الدنيا وتركزله
كله نفسه في صح زرقا جمب إسمه
كله نفسه تسيب الدنيا وتركزله

[الجسر]
ما تخافيش أنا هاجي
لو عايزاني أبقى معاكي
على طول، على طول

[المقطع الثاني]
دارت اللقطة غير ما إنتَ قولتلي
مالك يا عم؟ ما تقعدش تبصلي
ما بتكلمش غير في إللي يخصني
دلوقتى مافيش أي حاجة تخضني
سابق سني بلفتين
شلت همي ومادتين
إيه يا ليلة؟ على فين؟
الظاهر كنت واخد عين
شكيت في نفسي كتير وأنا في الناشئين
دلوقتى كابتن فرقة ليها معجبين
فوّر دم الحاقد زي الڤيتامين
مستواك في النازل على الدرابزين
مش هتلاقوا حاجة غير ألماس
لو خدتكو لفة جوة الراس
عندي رؤية نضيفة في الأشخاص
مش طالب منهم غير إخلاص
فاكر معظم الأغاني
لما العتمة كانت بالعاني
بس طلعت منها تاني
‫‫أصل الـ Sense عندي عالي
[قبل اللازمة]
كذا مرة يحاولوا يجوا بيننا
بسمع مش بصدق ولا كلمة
أنا وكل إخواتى هنقسمها
حتى لو جيت هنا لوحدي هقفلها
أربع شهور في قلب الضلمة
أنا وهي في قلب الضلمة
طولنا هنا وكانت غلطة
قالتلي آسفه لو عطلتك

[اللازمة]
كله نفسه في صح زرقا جمب إسمه
كله نفسه تسيب الدنيا وتركزله
كله نفسه في صح زرقا جمب إسمه
كله نفسه تسيب الدنيا وتركزله

[الخاتمة]
على طول، على طول