[اللازمة]
نفسي بس في حاجة جديدة
تصحّيني من النوم بضحكة
عقلي ضايع في غابة بعيدة
ما تطلعي معايا رحلة
كل الأفلام اللي في السينما
والمعاني اللي في المزيكا
‫بيقولولي "في حاجة ناقصة"
‫بيقولولي "لاقي حبيبك"
كان المفروض تكوني إنتي
والمفروض الصور دي إحنا
لما بتيجي قدامي سيرتك
من جوايا في حاجة بتحزن
تاني بفِرّ في سيناريوهات
وأنا قاعد لوحدي في أوضة
عمري ما زعلت على اللي فات
عمر نيتي ما كانت سودا

[المقطع الأول]
عيني مزغللة ومش شايف الساعة كام
خايف أطَلّع الشوكة من الجرح بتاع زمان
‫Last order، مخي هيقفلوه
صوتي رايح مني وهيمسكوه
تزعل وتخبّي في وشها تعبيرات
السهم كان راشق بس معاده فات
بمشي في الضلمة ومش عايز أتوه
ذكرياتنا في شبكة عنكبوت
وسط الزحمة أشوف عينك وأعرف سرحانة فين
ما حدش كان فاهم دماغي قدِك
لو اللي بينا كان عادي، ما كان زماني نسيت
ما حدش إداني الإحساس ده قبلك
رسايل قديمة منورة ليلتي
أزود عليهم ولا بلاش؟
مافيش إجابة على أسئلتي
مستني بكرة، لسه ما جاش
[اللازمة]
نفسي بس في حاجة جديدة
يمكن ألاقي في السوق الحرة
عادي إني أنا لسه مش ناسيها
المشكلة إني فاكر الحلوة مش المُرة

[المقطع الثاني]
واضح إن أنا بس اللي مطبق
باين إرهاق وحزن في النبرة
صور قديمة عاملالي صدمة
شيطان على كتفي الشمال مستغرب
عودوني، عودوني
آه لو الكلام يقضي
طالع سليم لحُسن حظي
بس في حاجة تشبه المغص في بطني
مسجلها على الموبايل نون
والصورة سرحت فيها وعملت زوم
معاها بغرق مش بعوم
شوية شهور حسيتهم قرون

[اللازمة]
نفسي بس في حاجة جديدة
باصص ع السما من النجيلة
‫كانت في "عمري ما هسيبك"
‫بقت في "ليه مش بتحب غير المزيكا؟"
[المقطع الثالث]
صور قديمة
زي لُوَح بيكاسو
في ناس جوايا بيعزوا
نفسية طالعة نازلة مع الأسهم
آه، شهر إتنين إتقابلنا
حكاية إنتهت بكلمة
صورتها ورا جفني بتلزق
من الأوضة الغامقة لسه صوت كلامها بينده
هناك في لوح مرمية
هزة الموبايل ع الفجرية
رقم غريب، ما طلعتش هي
نفسي أسأل لو في حد جه بعديا

[اللازمة]
نفسي برضه في حاجة جديدة
تصحيني من النوم بضحكة
عقلي ضايع في غابة بعيدة
ما تطلعي معايا رحلة
كل الأفلام اللي في السينما
والمعاني اللي في المزيكا
‫بيقولولي "في حاجة ناقصة"
‫بيقولولي "لاقي حبيبك"
كان المفروض تكوني إنتي
والمفروض الصور دي إحنا
لما بتيجي قدامي سيرتك
من جوايا في حاجة بتحزن
تاني بفِرّ في سيناريوهات
وأنا قاعد لوحدي في أوضة
عمري ما زعلت على اللي فات
عمر نيتي ما كانت سودا