[المقطع الأول]
طاروا المخضرمين، طارت الخبرة
لو مش مارو يبقى خارج نطاق الخدمة
محتوى الكون، بيني وبين اللاب توب
لأ قُلت بقالك سنة ومافيش تحسن
فانتوم الأوبرا فـ إنتو مش بسمعكو
ثقب إسود لابس إسود وأنا بودعكو
حوت، المحيط شربته، عايز إللي بعده
أنا في بُعد تاني وإنتَ لسه تحت كعبه
إتلعبت وأنا ثابت، إتكعبل وأنا واقف
ما بحبش الدُعابة مع أشكالك
مافيش روح الفُكاهة عشان شاكك في ذكائك
غبي، فاهم؟ كان عايز يمزح فـ مسحت بيه البلاط
هأ، صوابعك دِبلت من الشك والإفتراض
أفترس أُغنية وأسيبلكو البواقي
نفسك تبقى جنبي كإني محمد حماقي
حماتي تبقى ملكة إنجلترا
هنخلي الخطوبة على حساب الشركة
في شهر العسل حسيت إنها تنكة
أصل المريخ مش عاجبها فـ عايزة ترجع

[قبل اللازمة]
قُلت لالالالا
لالالالا لالالا
قُلت لأ
[اللازمة]
مش بسمع المرة دي
همشّي إللي في راسي
لو مش الليلة دي
ممكن في الجزء التاني

[المقطع الثاني]
شُفت إزاي كسبوا وخلوك تخاف
جايين نهدي النفوس يا شباب
جايين نجاوب ع الأسئلة، سين وجيم
ممكن أجيبهالك فص بفص زي المندرين
زمان كنت أقعد جوة الفصل، هو المان ده مين
جربت أبطل أسمع الكلام وكان لذيذ
لاحظت فئة المدير الفني فيا
إنتَ ممكن تيجي وتعملنا مهلبية
هُص، إكتم كده وإقفل الملف
ما باكلش لحمة حمرا، باكل دِهن بس
دي خريطة العالم، بُص فيها فكّر دوّر
مش هتلاقي التوزيع ده في الشرق الأوسط
مش هتلاقي فريق أو حتى مقاومة
بدخل دماغ الفان بالكيف وبعمل فوضى
لو صاحبتي ما إتشيكتش أسيبها فورًا
لو دي كانت فورة كان زماني كسبت الدورة
لو ده كان ماتش كان زماني بعمل دبل كيك
دي مش جذمة رونالدو الجديدة يا إبني ده موتوسيكل
بيعارضوني مُنذ تالتة إبتدائي
هقولك "قشطة" وبرضه أمشّي إللي فدماغي
[قبل اللازمة]
قُلت لالالالا
لالالالا لالالا
قُلت لأ

[اللازمة]
مش بسمع المرة دي
همشّي إللي في راسي
لو مش الليلة دي
ممكن في الجزء التاني