[Testo di "Intro (La Mia Storia)"]

[Strofa]
E porto 'ncuollo chillu juorno 'e quando so' nato je
Crisciuto ampresso 'int'a na casa d''a periferia
Papà fatica, steva sempe 'nziem'a mamma mia
E mo ca stongo 'e casa 'a sulo sento 'a nostalgia
Passeno ll'anne, nasce Marco 'int'ô 2007
Je tenevo diec'anne e tenevo 'a capa 'int''o rap
E me diceveno: "Fatica, ca puorte 'o nomme d''o nonno"
I' sunnavo 'e fá chella valigia e nun fa' cchiù ritorno
Però po' si 'mmiez'â via, sì, fra', aggio fatto 'e guaje
Sempe 'e notte ch''e cappucce, ma tu che ne saje
Vulevo 'o motorino, papà nun me l'ha accattato
M'aggio pigliato da sulo, ma nu guardio m'ha fermato
E 'doppo p''a capa 'int'â musica, c''a pozzo fá
E c''o freestyle 'a piccolino accumminciaje a cantá
Duje cumpagne 'ncopp'ô mezzo, 'a capa 'a n'ata parte
Cu nu cappiello sempe 'ncapa e 'a gente ancora parla
Mille trene e sacrifice e po simmo partute
Alessandro ha realizzato 'e suonne 'e duje creature
Mauro ha fatto na rapina pe ce pagá 'o studio
Pure si nun ce sta cchiù, brindammo p''a salute
Nun avanzo niente, pensavo ca era nu juoco
Chillo ca sfutteva mo addummanna 'e foto
Chello c'aggio passato, fra', 'o ssape sulo 'o psicologo
E mo cuntammo 'e sorde 'ncopp'a 'stu divano comodo
'E penziere erano assaje, vulevo vencere surtanto
Me pensavo 'e vencere pure ô juoco d'azzardo
E dint'ê machinette c'aggio jittato pure 'a gioia
Quanno pierde, ce staje male, quanno vince, ne vuó ancora
E tu ca parle 'e Peppe, dice che è figlio 'e famiglia
Nun sta dint'ê popolare, sta 'e casa 'int'â chella villa
So' crisciuto 'mmiez'ê strade assieme a 'sti figlie 'e puttana
E si tenevo 'e sorde 'ncuollo, po tutte assieme se magnava
Aggio perzo 'e cumpagne, 'e sorde accideno l'ammore
E te ringrazio pecché forse m'hê reso migliore
Sto cumbattenno ch''e fantasme d''o passato
'A vita è comm''o mare: nuote, fra', o muore affugato
Mo girammo l'Italia, sì, sempe p''a stessa squadra
Vuttammo chisti sorde 'nfaccia a chi parlava male
E mo sto 'nziem'a te pecché sî l'unica che m'ama
Pecché saje ca primma d''o successo ccà ce steva 'a famme
Nun tenevemo niente, quatte cumpagne ô bar
Mo ne simmo 'e meno, però nun me 'mporta, no
Lascia scorre 'a base, 'a storia mia ha dda continuá
E chello che succede po nu juorno t''o racconto
[Outro]
Ah-ah-ah-ah, nu juorno t''o racconto
Ah-ah-ah-ah, ma nu juorno t''o racconto