Janax
Hip Hop
[Testo di "Hip Hop"]

[Intro]
J-J-Janax

[Strofa 1]
Facevo 'o rap quanno 'o rap nun faceva manco na lira
Quanno chillo ca mo è 'o meglio nun faceva manco na rima
Quanno 'a gente te sfutteva se 'ncapa tenive 'o snapback
Crisciuto dint'ê jam ch''e canzone d''o Wu-Tang Clan
Senza bigliette dint'ê trene, tutt''e guagliune sempe 'nzieme
Instagram nun esisteva, 'a storia 'a raccuntavo 'a sera
Riturnavo 'int'ô quartiere e raccuntavo addò ero stato
E, quanno nun turnavo a casa, sicuro erano mazzate (Papà)
Nun tenevo a Zanotti, se purtava a Nike Dunk
'Int'â scola ultimo banco, 'int'ê cuffie ch''e Co'Sang
Sentevo 'o TruceKlan, Marracash e Dogo Gang
Sunnavo 'e fa' nu concerto, mo già n'aggio fatte ciento
Mo vanno areto ê streaming, â posizione FIMI
'E tormentone estive, i' nun tenevo niente
L'evera 'int'ê calzine, canne 'ncopp'ê gradine
Guagliune iperattive, so' state ll'anne cchiù belle

[Ritornello]
No, no, no
Turnà areto nun se pò, no, no
Sempe appriesso a 'stu rap
Cu niente 'int'ê sacche purtavamo annanze
Na banda ch''e cazune larghe
'A gente 'a luntano da sempe
Ce guarda, chesta è religione
E se chiammava hip hop
[Strofa 2]
Hip hop, sulo canne, no pippotte
Bevevo birra one shot annanz'a chillu grow shop
Guagliune, sì, c''a breakdance sott''o parco Arbostella, yeah
Gire c''a capa 'nterra e pò dimostrá 'int'ê jam, seh
Vestute tutte nire, fra', parevemo 'e Mobb Deep
Eremo sulo creature, già ch''e cape in tilt
Chi pittava chilli trene, fujeva 'int'ê yard
E curreveno assaje forte pe nun se fa pigliá d''e guardie
Nun 'o saccio che fine hanno fatto 'e cumpagne
Primma eremo ciento, mo simmo nu paro
Faccio 'o paro e 'o sparo ch''e diavule 'e notte
E sfogo cu l'alcol, sì, dint'ê ricorde
Giravo ch''e cuffie, fra', ma no 'int'ê poste 'e lusso
Aggio pigliato e dato buffe pe essere chello che songo
Mo facimmo 'e sorde e mamma sta chino d'orgoglio
Quanno accumminciaje, nun tenevo niente, sultanto nu suonno

[Ritornello]
No, no, no
Turnà areto nun se pò, no, no
Sempe appriesso a 'stu rap
Cu niente 'int'ê sacche purtavamo annanze
Na banda ch''e cazune larghe
'A gente 'a luntano da sempe
Ce guarda, chesta è religione
E se chiammava hip hop