[Intro]
Tila nalulunod, tila natutunaw
Sa kailaliman ng langit na tadtad ng bituin

[Verse 1]
Sabi mo sa'kin, "paalam"
Mahirap tanggapin ngunit naunawaan
At ngayon na ikaw ay 'di kapiling, wala sa'king tabi
Tila takipsilim, gusto kong lumisan
Nung una kitang nakilala
Sapul ang puso ko, di ko malilimutan
Ngunit parang ika'y balot sa hanging tila babasagin
Sa'yong mga mata, kita'ng kalungkutan

[Pre-Chorus]
Punong puno ng "tik tak tok"
Paulit-ulit sa mundong ito
Kahit sa'n lumingon, ang sigaw ng mundo'y di matakasan
Pero, siguro
Kung magkasama tayo sa buhos ng ulan
Baka iyong ngiti'y 'di nawala

[Chorus]
Sa panglaw ng nakaraan, iyong luha'y walang hanggan
Iaalay ko'ng lahat, mahal, para 'ka'y matahan
Bago ka tuluyang kainin ng kadiliman
Hawakan mo aking kamay, 'wag bitiwan
Sa bawat panalangin na paglimot ang tanging hiling
Akin na't yayakapin ang sakit, aking tutunawin
Walang katatakutan sa pagsikat ng araw sa langit
Sa'kin ka kumapit
[Verse 2]
Lagi na lang sa malayo
Ang 'yong tingin, ano kaya ang 'yong tinatago?
Na para bang ika'y nabibighani sa tagapagsundo
Kinang ng 'yong mata'y 'kakakilabot

[Pre-Chorus]
At maraming bagay ang dapat tanggapin ngunit di ko matanggap
Sapagkat sa di ko mapansin, ako'y gugulatin at ako'y di makapanggap
Ngunit pipilitin kong mamayani para sa'kin
Para sa'ting dal'wa - walang pagsisisi

[Bridge]
"Pagod na 'ko sa pagpapapanggap"
Ang sabi mo sa akin sa pagtaboy mo sa pag-abot ko ng kamay sayo
"Pagod na 'ko sa pagpapapanggap"
Kung aaminin ko, gusto ko ring sabihin sayo

[Pre-Chorus]
Punong puno ng "tik tak tok"
Paulit-ulit sa mundong ito
Kahit sa'n lumingon, ang sigaw ng mundo'y di natakasan
"Gusto kong sumuko"
Sa bulalas ko ng mga salitang iyon
Ngumiti ka't umilaw ang mundo
[Chorus]
Sa panglaw ng nakaraan, aking luha'y walang hanggan
Ang ningning ng 'yong mata ang tanging nasisilayan
Sa gabing madilim, pag-iyak ko'y di matahan
Ngumiti ka't kamay ko'y hinawakan
Saking luksa ng pagsisi't sa pagbigat ng damdamin
Iyong yayakapin ang sakit, iyong tutunawin
Tila nalulunod, tila natutunaw
Lumilinaw ang mga kalabuan
Sa bawat panalangin na paglimot ang tanging hiling
Sa iyong mga palad, mahal, ako'y nananalig
Ako'y naniniwala sa maamong ihip ng hangin
Sa'kin ka kakapit

[Outro]
Anuman ang mangyari, wag mo akong bitawan
Magkasama tayong susugod sa kadiliman