[المقدمة]
عيني منها بشكل جِدّي (عيني منها بشكل جِدّي)
وتقيلة مش تقلانة، إتبخّر سحري (ولا باجي على بالها)
ومش باجي على بالها، ما فكرتشي (ولا باجي على بالها)
وبالي فيها، بابا بالي مش ملكي (ولا باجي على بالها)

[المقطع الأول]
بلعب البخت (وبعدين؟)، سألتها ورفضتني
إستغربتها، أومال فين هيبتي؟
حبيبي أنا بضحك على خيبتي
يا أخي كنت ع الثبات وهزّتني
واللي فات ده كان سحري
مش باجي على بالها إن جت سيرتي
أنا بالي معاها مش ملكي
قالِت كلام قبل أما تشوفني
عارفني صعب ومش مفهوم
كلامي دبش ومش موزون
أو بتحب حد والبال مشغول
ما شفتوهاش ولا حد يلومني
ملاك بريء ولا أنا مخدوع
هيا توتر ولا أنا مهزوز
أو آذاها حد والكل مرفوض

[اللازمة]
ولا إيه القصة؟ حبيبي فيدني
اللي أذوك ياما، حبيبي سيبني
أخلي اللي جاي ورود وشموع
يتغنّالها وبصوت مسموع
ولا إيه القصة حبيبي فيدني
اللي آذوك ياما حبيبي سيبني
أنسيك ماضي كله دموع
ولا ما أقدرش أسيبك موجوع
[فاصل]
سحرتني ولا سحرتلي
(سحرتني ولا سحرتلي)
وعيون مش محتاجة تسحرلي
(وعيون مش محتاجة تسحرلي)
مش عايزة تجيبني بس جابتني
(مش عايزة تجيبني بس جابتني)
ونسيتني وفي قصتي حبستني

[المقطع الثاني]
والله ووقعت، بفكر فيك كتير بالي عليك مشغول
وأنا بتصعب عليا حالي وأنا بكتبلِك كلام معسول
بعيد عن عيني ويا عيني، مع غيري ومش مبسوط
ده أنا أضيّع عمري يا عمري وأحبِك حب مش مشروط

[جسر]
لا تلاقي عندي وعود كدابة
وكبرت على ولا شيء مضمون
كلامي على قد اللي معايا
في الحب ما أستناش مردود
بالراحة على قلبي المكسور
اللي مشكلته إنه فيك مسحول
مين إختار اللي عينيك عملوه
ده مش ذنبي أنا صحيت محطوط

[اللازمة]
ولا إيه القصة؟ حبيبي فيدني
اللي أذوك ياما، حبيبي سيبني
أخلي اللي جاي ورود وشموع
يتغنّالها وبصوت مسموع
ولا إيه القصة حبيبي فيدني
اللي آذوك ياما حبيبي سيبني
أنسيك ماضي كله دموع
ولا ما أقدرش أسيبك موجوع
ولا إيه القصة؟ حبيبي فيدني
اللي أذوك ياما، حبيبي سيبني
أخلي اللي جاي ورود وشموع
يتغنّالها وبصوت مسموع
ولا إيه القصة حبيبي فيدني
اللي آذوك ياما حبيبي سيبني
أنسيك ماضي كله دموع
ولا ما أقدرش أسيبك موجوع
[الخاتمة]
يا ليلي يا ليل
يا ليلي، ليلي يا ليل
ليلي، ليلي يا ليل