[المقطع الأول]
أنا كداب، أنا مانسيتش
فضلت أستنى وأتاري حكايتنا اللي ماستنتش
ومهما هغني لغيابك وللنسيان
رجوعك غنوة لسه في قلبي ما تغنتش
أشوفك فين وحشتيني
غيابك مش وجع هيروح
ده شوك ماشي فـي شراييني
بقيت ماكرهش سيرة الموت
عشان أنا، مت فعلا، لما نسيتيني

[اللازمة]
وعلى عيني أشوفك جاية قدامي وأبص بعيد
على عيني تفوت بينا الليالي وتنتهي المواعيد
على عيني أقول للناس حكاية وانتهت وخلاص
وأنا في سري بحبك تاني كل ما أقول هحب جديد
على عيني أشوفك جاية قدامي وأبص بعيد
على عيني تفوت بينا الليالي وتنتهي المواعيد
على عيني أقول للناس حكاية وانتهت وخلاص
وأنا في سري بحبك تاني كل ما أقول هحب جديد

[المقطع الثاني]
تعبت خلاص من التمثيل
أنا لا بخير ولا قلبي
بقى عايش ومش بيميل
بتوّه نفسي في الدنيا وألاقيني
بقول الصبح أنا كويس وأموت بالليل
طلعتي لسه ويايا
ومانستكيش ومش هنسى
ولا وجعي ده ليه نهاية
فرحت إني بقيت مابكيش قصاد الناس
وأتاري دموعي نزلت مني جوايا
[اللازمة]
وعلى عيني أشوفك جاية قدامي وأبص بعيد
على عيني تفوت بينا الليالي وتنتهي المواعيد
على عيني أقول للناس حكاية وانتهت وخلاص
وأنا في سري بحبك تاني كل ما أقول هحب جديد
على عيني أشوفك جاية قدامي وأبص بعيد
على عيني تفوت بينا الليالي وتنتهي المواعيد
على عيني أقول للناس حكاية وانتهت وخلاص
وأنا في سري بحبك تاني كل ما أقول هحب جديد