[المقطع الأول]
ما كانشي في بالي تخلص لعبتك دي الوقتِ
وأشوفني جوة عينيك عمري يوم ما فرقت
مشيت للخوف برجليّا وفكرتك سنين جاية
وأتاري في عينيك كنت أنا اللي حبة وقت
أنا حبيت وكنتي بجد تتحبي
عشان بالعين ما شوفت إيه اللي متخبي
ياريت قلبي اللي حبك موت أخد باله إن حُبك موت
وإنك وإنتي جنبي كنتي مش جنبي

[اللازمة]
ما عنديش نية ألومك ع اللي أنا حاسه
بلوم قلبي عشان راحلك وساب نفسه
وكان فاكرك هتبقي مكان ينسيه أي جرح زمان
وأتاريكي طلعتي الجرح ذات نفسه
ما عنديش نية ألومك ع اللي أنا حاسه
بلوم قلبي عشان راحلك وساب نفسه
وكان فاكرك هتبقي مكان ينسيه أي جرح زمان
وأتاريكي طلعتي الجرح ذات نفسه

[جسر]
ما كانشي في بالي تخلص لعبتك دي الوقتِ
وأشوفني جوة عينيك عمري يوم ما فرقت
مشيت للخوف برجليّا وفكرتك سنين جاية
وأتاري في عينيك كنت أنا اللي حبة وقت
[المقطع الثاني]
فيه كام بكرة ما بينا إتقالوا لو فاكرة
أديني بقيت لوحدي لما جيه بكرة
غريب قلبي اللي قال إنك ما فيش قبلك ولا منك
نهايته يكون بيتشعبط في كام ذكرى
حاجات جوايا قبلك خوفت أبينها
قصادك بس عمري ما إتداريت منها
وأديني طلعت متعلق بأكتر قشة بتغرق
وأديني بموت بأكتر إيد مأمنها

[اللازمة]
ما عنديش نية ألومك ع اللي أنا حاسه
بلوم قلبي عشان راحلك وساب نفسه
وكان فاكرك هتبقي مكان ينسيه أي جرح زمان
وأتاريكي طلعتي الجرح ذات نفسه
ما عنديش نية ألومك ع اللي أنا حاسه
بلوم قلبي عشان راحلك وساب نفسه
وكان فاكرك هتبقي مكان ينسيه أي جرح زمان
وأتاريكي طلعتي الجرح ذات نفسه