[المقطع الأول]
عايش بتوه، تايه بعيش
مخلوقة ليه الذكريات ما بتتنسيش
عمال أسكت قلبي وأكتم صوته فيه
والله يجازيها عينيا دي إللي ما بتداريش
بكسب حاجات وأخسر أهم
يطلعلي جرح جديد عشان في جرح لم
أنا حتى روحي خسرتها في رهان قديم
عايش عشان قلبي يا دوب بيضُخ دم

[اللازمة]
بنادي عليا طول الليل
وطول الليل ما حدش رد
ببُص على إللي فات أبكي
وأبص على إللي جاي أتخض
بنادي عليا طول الليل
وطول الليل ما حدش رد
ببُص على إللي فات أبكي
وأبص على إللي جاي أتخض

[المقطع الثاني]
كل إللي أنا حبيته وإتعلقت بيه
بلاقيني ليه مكتوب عليا إني أخسره
لا في نومي شايف حلم أداري جروحي فيه
ولا لاقي راحة في ليلي علشان أسهره
كان نفسي يطلعلي جناحات وأهرب بعيد
لمكان ما فيش جواه وجع ولا فيه فراق
لكن بخاف لو أطير أحس بخوف جديد
وألقى البراح إللي في سمايا عليا ضاق
[اللازمة]
بنادي عليا طول الليل
وطول الليل ما حدش رد
ببُص على إللي فات أبكي
وأبص على إللي جاي أتخض
بنادي عليا طول الليل
وطول الليل ما حدش رد
ببُص على إللي فات أبكي
وأبص على إللي جاي أتخض